'The Dance', Mamba Beat bilbotarren urriko birea prest dago

'The Dance' single barria aurkezteko bireari ekingo deutso egun batzuk barru Mamba Beat taldeak. Lizarrako Gaztetxean abiatuko da birea urriaren 2an eta hortik aurrera, Badajoz, Madril, Burgos, Gasteiz eta Gernikan kontzertuak emon ondoren, bireari amaierea emoteko Santurtziko Kresala aretoan joko dabe urriaren 20an, 22:00etan.

'The Dance'. Egitaraua

- Urriak 2, Lizarrako Gaztetxean, 22:00etan.
- Urriak 7, Badajozeko Mercantil aretoan, 23:30etan.
- Urriak 8, Madrileko LLa Boite aretoan, 22:00etan.
- Urriak 14, Burgosen, El Hangar Aretoaren Urteurreneko Jaialdian, 22:00etan.
- Urriak 15 Gasteizeko La Iguana Klubean, 22:00etan.
- Urriak 16, Gernika-Lumoko Trinkete Antitxokon, 22:00etan.

Mamba Beat Bilbon jaio zan suge gorputzagaz eta elektronikearen pozoin erritmikoaren jaube.

Grabe obsesiboak, erritmo frenetikoak, sinte eroak, metalak sutan, ahots urratuak… Dana errito ilunen zerbitzura, eta horreetan gai asko jorratzeko beharragaz: jantza, trantzea, gaua, psiko-bidaiak, instinto basatiak, erlijino barriak bilatzea...

2007 eta 2009an Mamba Beat-ek bi CD erditu zituan (Mamba Beat eta Energia). Laudorio asko jaso zituen eta AIE-k penintsulan zehar kontzertuak emoteko aukeratu zituan (Euskadi, Bartzelona, Madrid, Galizia, Aragoi, Extremadura, Andaluzia, Gaztela…). Orain arte 100 kontzertu inguru emon ditue.

Jaialdi garrantzitsuetan jo dabe: Bilboko Aste Nagusiko eszenatoki handian, Lanzarote-ko Costa de Músicas, Granada-ko Fusibles Fest, Dijon (Frantzia)-eko Baskarad, Berlin-en… We Are Standard, La Phaze, Le Peuple de l’herbe, Capsula, La Excepción lako taldeakaz batera.

Kontuak kontu, single barria aurkezten ibiliko dira 2010eko udagoieneko biran eta 2011rako eraso barria preparetan dagoz honezkero, single barriak eta bideoak aurketuz hasiko daben bira luzean.

Ikusi argazki guztiak handiago