'London Calling: Live in Hyde Park' DVD bikotxa kaleratuko dau Bruce Springsteen & The E Street Band-ek bagilean
2010-05-11 15:30 Musikea'London Calling: Live in Hyde Park' DVDak Springsteenen sasoi guztietako kantak jasoten ditu, 'Born To Run'-en hasi eta 'Working on a Dream'-eraino. The Clash ('London Calling'), Jimmy Cliff ('Trapped'), The Young Rascals ('Good Lovin'') eta Eddie Floyd ('Raise Your Hands') talde eta artisten bertsinoak be interpretetan ditue.
Bruce Springsteen & The E Street Band-ek 'London Calling: Live in Hyde Park' DVD bikotxa argitaratuko dau bagilaren 22an. 2009ko bagilaren 28an, Londresko Hard Rock Calling jaialdian bereizmen handian (HD) grabautako kontzertua jasoten dau DVDak, Bruce Springsteenen 26 kantagaz.
'London Calling: Live in Hyde Park' DVDak Springsteenen sasoi guztietako kantak jasoten ditu, 'Born To Run'-en hasi eta 'Working on a Dream'-eraino. The Clash ('London Calling'), Jimmy Cliff ('Trapped'), The Young Rascals ('Good Lovin'') eta Eddie Floyd ('Raise Your Hands') talde eta artisten bertsinoak be interpretetan ditue.
Horrezaz ganera, Stephen Foster-ek 1854an idatziriko 'Hard Times (COme Again No More)' abesti amerikar klasikoa be agiri da DVDan, Springsteenen kanta gogokoenetarikoa baita, eta The Gaslight Anthem taldeko Brian Fallon eszenatokira igoten da Springsteenegaz batera 'No Surrender' interpretetako.
Bruce Springsteenen bideoa taldeko ohiko kolaboratzaileak diran Tom Zimnyk eta Chris Hilson zuzendariek gainbegiratu dabe eta Bob Clearmountain arduratu da nahasketeaz.
Material gehigarri modura, 2009ko bagilaren 27an, Glastonburyn 'The River' abestian agertokiaren atzeko aldean grabautako irudiak eta New Jerseyko Giant Stadiumen filmautako 'Wrecking Ball' kantearen bideo osoa sartu ditue DVDan.
Erantzun
Erantzuteko, izena emanda egon behar duzu. Sartu komunitatera!