Arriaga Antzokiak Alfredo Krausen omenezko Gala Lirikoa eskainiko dau irailaren 8an

| Ikusi handiago | Argazki originala

Denporaldiko Musika-programazinoa Asociación Musical Alfredo Kraus (AMAK) Musika Alkartearen Gala Lirikoagaz hasiko da irailaren 8an, arratsaldeko 20:00etan. Ahots liriko gazteek tenore handia gogoratuko dabe haren heriotzearen hamargarren urteurrenean operako eta zarzuelako aria, duo eta kontzertanteen errezital liriko bategaz. Gala liriko horri ahotsa jarriko deutsie Marta Ubieta, Irantzu Bartolomé, Nuria Orbea, Naroa Intxausti, Itziar de Unda, Elena Barbé, Consuelo Garres, Ainhoa Zuazua eta Helena Orcoyen sopranoek; Maite Maruri eta Marife Nogales mezzo-sopranoek, Jose Luis Sola, Andeka Gorrotxategi eta Alberto Nuñez tenoreek eta Guk Hoe Song baritonoak. Kontzertuan, Bilboko Orkestra Sinfonikoak joko dau Günter Neuhold-en zuzendaritzapean. Itziar Barredo piano-jolea, barriz, abeslarien koordinatzaile ibiliko da.

Bakarlari horreek guztiek abestu izan dabe Alkarteak sortu zanetik antolatutako hainbat kontzertutan; tartean aitatzekoak dira Bizkaiko Udaberri Musikalaren barruko errezitaldiak eta Alfredo Kraus omentzeko abenduaren 30eko kontzertuak. AMAK alkartea sortu zan abeslari gazteei laguntzeko eta Bilbogaz hain lotura estua eukan Alfredo Kraus tenorearen lagunen eta miresleen artean ha eta haren karrera artistikoaren oroimena bizirik izateko ekimenak sustatzeko. AMAK 2001eko urtarrilean sortu zan, eta Arriaga Antzokian alkarteak antolatutako lehen kontzertua egin zan, G. Verdiren Messa di Réquiem, urte bereko irailaren 10ean.

Amak Alkartearen Gala Lirikoa Arriaga Antzokian

- Eguna eta ordua: irailaren 8an, 20:00etan.
- Prezioak: 7,20 eurotik 25 eurora bitartean.
- Salmentea: Arriaga Antzokiko Leihatilak, www.teatroarriaga.com, 944 310 310 telefonoa eta BBKren orotariko kutxazainak.