Udal Musika Eskolako 250 ikasle eta irakasle ikasturte amaierako kontzertuan

| Ikusi handiago | Argazki originala

Bilboko Musika Eskolak gaur, eguaztena, ohiko BilbaoMusikaren ikasturte amaierako kontzertua eskainiko dau. Okasino honetan, 250 musikari baino gehiago izango dira (irakasle zein ikasleak) eta Udal Musika Eskolako musika-espezialidade guztiak ordezkatuko dira kontzertuan, Txiki eta Gazteen bandak, txistulariak, eskusoinuak eta sokazko orkestrak. Hitzordua 19:00etan Euskalduna Jauregiko A-1 aretoan. Kontzertura joateko beharrezkoa da konbidapena izatea (bi personako) Euskalduna Jauregian eskuragari 17:00etatik aurrera.

Programazino zabalak musika estilo desbardinetatik zehar egingo dau ibilbidea eta konposatzaile klasikoak zein euskal kantu herrikoietatik abiatuz, Beatles, Queen edo Abba pop taldeen zenbait arrakastakaz gozetako aukerea be eskainiko deusku. Programazinoa txistuko ikasleen interpretazino bategaz hasiko da; Leandro Zabalaren ‘Tolosa’-gaz. Ondoren, kantu taldearen txandea izango da eta honeek ‘El coro de las viudas’ zartzuelako piezariik ezagunetarikoa dan ‘La corte del faraón’ abestuko dabe.

Eskusoinuen txandea izango da gero (euren hiru emonkizunetatik bat dantzarien laguntzinoagaz egingo dabe), Astor Piazzolaren ‘Oblivion’ tangoak zein Sabin Bikandiren ‘Edurre’ mazorka interpretauko dituelarik. Ondoren, orkestra eta konboak agertuko dira eszenatokian, euren pop errepertorioagaz.

Nagusien abesbatzak emongo dauen ikuskizunaren ondoren, Eskolako umeen Txiki eta Gazte abesbatzak izango dira kontzertuari amaierea emoteko ardurea izango dabenak; honeei jagoke Queen taldearen ‘Bohemian rhapsody’ interpretetea.

Udal Musika Eskolea, Bilboko Udaleko Kultura eta Hezkuntza Sailaren menpeko organismo autonomoa da eta Eskola, Udal Banda eta Udal Txistularien Bandaren kudeaketearen arduraduna. Informazino gehiago BilbaoMusikan (Sorkunde 8, 48006 Bilbo), teléfonoa 94 4164785, edo www.bilbaomusika.net webgunean.