Iñigo, Unai eta Oltz Ruiz de Gordejuela neba-arrebak protagonista BilbaoMusikako Interprete Gazteen Zikloan

| Ikusi handiago | Argazki originala

Gaur, maiatzak 14, Iñigo, Unai eta Olatz Ruiz de Gordejuela neba-arrebek osotzen daben hirukotea izango da protagonista ikasturte honetako BilbaoMusikako Gazte Interpreteen Kontzertu Zikloaren azken kontzertuan. Bilboko Udaleko Kultura eta Hezkuntza Sailak babesturik, lehiaketa honek musikari gazteen karrera musikala bultzatzea dau helburu. Dobako kontzertua La Galera eraikinean izango da (Sorkunde, 8) arratsaldeko 19:00etan.

Ruiz de Gordejuela neba-arreba gazteak (12 eta 15 urte bitartekoak) birtuosoak dira pianoagaz, biolontxeloagaz eta biolinagaz. Debakoak jaiotzez, euren ama izan zan txikitatik musikeagazko maitasuna erakutsi eutsena (pianujolea eta biolontxelojolea bera eta Gasteizko Jesús Guridi kontserbatorioko irakaslea). Iñigori bost urte besterik ez zituanean hasi jakon pianoa irakasten, edade berean emon eutson eskura Unairi lehen aldiz biolontxeloa eta Olatz, lau urtegaz hasi zan biolinaren ikastaroetara joaten. Uri honetara joan ziranean bizitera, kontserbatorioan onartuak izan ziran hiru neba-arrebak. Nagusienak gainera, Iñigok, Otawan (Kanada) urtebeteko ikastaldia egin dau eta aurten 'Euskadiko Musikari Gazteak' lehiaketan saritua izan da.

Marta Agirre izango dabe lagun pianoan eta Iñigo, Unai eta Olatzek Haendel-en ‘Sonata HWV 316’; Mozart-en ‘Sonata KV 310’ eta ‘Serenata Haffner’; Beethoven-en ‘Bei Männern, welche Liebe fühlen’, Wieniawski-ren ‘Leyenda para violín y piano’; Sarasate-ren ‘Elegía’, de Fauré eta ‘Malagueña’ eta Debussy-ren ‘Suite Bergamasque’ interpretauko ditue.

Bilbaomusika, Bilboko Udaleko Kultura eta Hezkuntza Sailaren menpeko organismo autonomoa da eta Musika Eskola, Udal Banda eta Udal Txistularien Bandearen kudeaketearen arduraduna. Informazino gehiago BilbaoMusikan (Sorkunde 8, 48006 Bilbo), telefonoa 94 416 47 85, edo www.bilbaomusika.net webgunean.