Bruce Springsteen barriro Bilbon

| Ikusi handiago | Argazki originala

El Mundo egunkariak gaurko papelezko edizinoan aurreratu dauenaren arabera, Get In promozino-agentzia donostiarra negoziazino-lanetan dabil Bruce Sringsteen barriro Bizkaira ekarteko. Orain arte, musikari estadubatuarrak euskal lurretan kontzertu bi eskaini ditu: 2007ko zemendiaren 26an Barakaldoko BECen eta 2008ko garagarrilaren 15ean Donostiako Anoeta estadioan. Antza danez, aurtengo garagarrilean Bilboko San Mames estadioan kontzertua emotea da asmoa. Beraz, artisteak 'Working on a dream' disko barria (urtarrilaren 27an kaleratuko dau) zuzenean aurkezteko bira europarraren barruan sartuko litzateke Bilboko emonaldia.

Kontinente zaharrean egingo dauen kontzertu bireari Europa iparraldean ekingo deutso musikariak bagilean eta, ondoren, hegoalderantz joko dau garagarrilean. Bilboko kontzertuaz gan, leitekeana da Bartzelonan eta Madrilen be emonaldiak eskaintzea.

Bruce Springsteen azken aldian albiste da batean eta bestean. Artistea Barack Obama AEBetako presidente barriaren aldeko ekitaldietan entzun eta ikusi dogu egunotan.