Adrenalinea igoteko moduko kontzertua eskainiko dau Kaotikok Barakaldon

| Ikusi handiago | Argazki originala

Kaotiko taldeak kontzertua emongo dau datorren urtarrilaren 29an, 21:30ean hasita, Barakaldo (Bizkaia) Rockstar Live aretoan, 'Adrenalina' azken diskoko abestiak aurkezteko asmoz. Kontzertua ETBk grabauko dau eta zuzenean ikusi ahal izango da ETB-3ko 'Gaztea Live' saioan.

Kontzertua Bilboko Kafe Antzokian egitekoa zan, baina areto bilbotarrak jasotako zigor administratibo baten ondorioz zarratuta egongo da hilebetez eta, ondorioz, emonaldia Barakaldoko aretoan egingo da.

2008ko martiaren 5ean 'Adrenalina' disko biziaren aurkezpenagaz ibilbide barri bati hasierea emon eutson Kaotiko Aguraingo (Araba) taldeak, Oihuka diskoetxeagaz. Abestietan, 'tenpo arinak, melodia erakargarriak eta gogoan geratzen diran errepikak' erabilten ditu Kaotikok, diskoetxearen esanetan.

Taldeak 50 kontzertu baino gehiago eskaini ditu 2008an (Gasteiz, Madril, Bartzelona, Burgos, Jaen, Galizia, Katalunia eta abar) eta, 2009ari begira, Soria, Logroño, Zaramillo, Santander, Zaragoza, Barakaldo, Caceres, Oviedo, Galizia, Burgos, Valladolid, Salamanca, Madril eta Aginaga bisitauko ditu, besteak beste.

Bira horren barruan, urtarrilaren 29an, Barakaldon eskainiko dauena, ganera, www.eitb.com/gaztea webgunean zuzenean jarraitu ahal izango da. Sarrerak aurretiaz eros daitekez 10 euroan edota takilan bertan 13 euroan.