Baga-biga diskoetxearen udagoieneko nobedadeak: OST, Gatibu, Korrontzi...

Hona hemen diskoetxe bizkaitarrak datozan hileotan aurkeztuko dituan diskoak:


El Desván de...: 'Volver a empezar'

El Desván de... Mungiako taldearen lehenengo lana 'Volver a empezar' da. Pop eta rock estiloak buztartzen dituan taldea 2006ko udan sortu zan eta diskoa egunotan aurkeztu dabe.

Disturbio: 'Muy tóxiko'

Aguraineko taldearen hirugarren diskoa da. Aurreko biak ('Solo jugamos si ganamos', 2001 eta 'Pólvora', 2004) punk estilokoak baziran be, disko barriak hard-rock ikutuak ditu. Estudioko lan bikaina Carlos Creator teknikariak lortutakoa da. Kolaboratzaileen artean Evaristo 'Gatillazo' egon da. Diskoak urriaren 2an ikusiko dau argia.

Une: 'Hegalik gabe hegan'

Bilbo eta Oñati arteko taldearen bigarren diskoa da. Latzen eta Sen taldeetako abeslari Aitor Uriarteren gidaritzapean, rock eta metal estiloak buztartzen ditue. Indarra batzuetan, emozinoa besteetan. Abiadurea hartu ondoren, hegaz hasteko diskoa. Urriaren amaieran argitaratuko dabe.

OST: 'Inorena ez den lurrean'

Bermeoko taldeak iraupen luzeko ibilbide metalzalea dauka eta laugarren diskoagaz dator. Golpea, tentsinoa eta abiadurea dira euren ezaugarri nagusiak. Diskoa zemendian izango da kalean.

Korrontzi: 'Getxo'

Korrontzi taldeak Getxo Folk 2008ko ekitaldian grabatu eban zuzenean euren bigarren diskoa, irailaren 4an. Disko bikotxa da: batetik DVDa eta bestetik CDa. Kontzertuan, honako kolaboratzaile honeek parte hartu eben: Jorge Arribas (La Musgaña), Faltriqueira taldea, Susane Seivane, Maia anaiak (dantzariak), Mikel Urdangarin eta Xabi (Obrint Pas).

Korrontzi taldeak Euskal Herriko folk nortasuna marketan dauen triki doinuak jorratzen ditu. Diskoak zemendian ikusiko dau argia.

Gatibu: 'Laino guztien gainetik, sasi guztien azpitik'.

Gatibu taldearen hirugarren diskoa zemendiaren amaierarako jatorku. Gatibu taldeari gauzak astiro eta ondo aztertuta egitea gustetan jako. Rock freskoa eta sentimentuz betea egiten dabe. Diskoa eta zuzenekoak ia alkarregaz etorriko dira, abenduaren 7an Durangoko Plateruena aretoan 2008ko Durangoko Euskal Liburu eta Disko Azokearen barruan joko dabe eta.

Ikusi argazki guztiak handiago