'Asthmatic Lion Sound System' diskoa plazaratuko dau Fermin Muguruzak urriaren 31an

| Ikusi handiago | Argazki originala

Fermin Muguruza abeslari irundarrak bere lan barria plazaratuko dau urriaren 31an, 'Asthmatic Lion Sound System' izenpean, komunikatu baten bidez jakinarazo dabenez; edozelan be, urriaren 1ean, diskoaren aurrerapen moduan, lehenengo singlea entzun ahal izango da.

Lan honetara munduan zehar grabautako kantak batu ditue eta hainbat musikariren kolaborazinoak entzun ahal izango dira. Bidaia-liburuen moduan aurkeztuta, lan honetan Berlin, New York, Tokio, Kingston, Dublin, Jerusalem, Paris, Madril, Kuala Lumpur, Niamey, Quito, Bartzelona, Mosku, Tolosa (Frantzia) eta Erroman grabautako soinuak dagoz jasota.

Horrezaz gan, Dave Hillyard (The Slackers), Stephanie Wallace, Franklin “Bubbler” Waul, Ophelia, BAD Sound System, Dana Leong, Kaori, Rub-a-DUB Market, Bajka, Al Rumjen (Asian Dub Foundation), DAM, Guive, Minsa (Desechos), Rossy de Palma, Maria de Medeiros, Manu Chao, Marina (Ojos de Brujo), Gambeat, Mouss et Hakim, Yacine Belahcene, Rude, Miriam 'Matahary', Leire Etxeandia, David Bourguignon, Arecio Smith, Alex Hohmann, Remi Sanchez, Gerard Casajus, Madjid Fahem, Sorkun, Oskar Benas, Alfonso Arias 'Papuchi', Jon Elizalde, Igor Ruiz 'Fino', Aritz Lonbide 'Lonbi', Hedoi Etxarte, Txap, Victor Navarrete, Andrés Belmonte, Eva Reina, Comandante X, Nerea Olaxa, Pedro Erazo (Gogol Bordello), Ekaterina Samsonkina, Nesta, Xabi Solano, Xabi Pery, Mikel Abrego, Joseba Ponce eta DZ lako musikariek parte hartu dabe diskoan.