Sarkor gernikarrek 'Su emoten' izeneko diskoa plazaratu dabe

Bizkaie! 2008-03-06 10:58 Musikea

Diskoaren aurkezpen-kontzertua apirilaren 12an Durangoko Plateruena Antzokian izango da, Anger taldeagaz batera. Lana Altxatune estudioan grabau dabe eta, tartean, Lehiotikan eta Ezinean taldeko abeslarien kolaborazinoak dagoz.

Autoaren bozina hotsez sartu dira Sarkor taldekoak Gernikako Iparragirre Rock Alkarteko lokalera. Autoa bera be barrura sartu dabe ikusleen harridurarako, ia-ia baten bat atrapau ei dabe...

Bertan, 30 bat lagun eta komunikabideak izan ditue zain. Kotxetik umoretsu urten eta abesti bat jotera igon dira eszenatokira. Bateria atzean jarritako oihal baltz batek erakusten eban noren eguna zan. Gitarrak hartu eta 'Garaipenaren Bila' izeneko abestiagaz emon deutse ondo-etorria 'Su emoten' izeneko disko barriari. Abestia amaitu ostean, diskoaren iguruko azalpen txiki bat emon dabe: 'Altxatune estudioan grabau dogu eta, tartean, Lehiotikan eta Ezinean taldeko abeslarien kolaborazinoak dagoz'.

Apirilaren 12an, Durangoko Plateruena Antzokian egingo dabe disko barriaren aurkezpen-kontzertua. Anger taldea be bertan izango da.

Ikusi argazki guztiak handiago