Sonny Rollinsek Gasteizko Jazzaldian joko dau, 2008ko garagarrilaren 18an

| Ikusi handiago | Argazki originala

Sonny Rollins saxofoi-jole estadubatuarra Gasteizera bueltauko da datorren urtean, eta kontzertua eskainiko dau 2008ko garagarrilaren 13tik 19ra bitartean egingo dan Gasteizko 32. Nazinoarteko Jazzaldian, garagarrilaren 18an, antolakuntzako iturriek jakinarazo dabenez.

Urteko Musikaria eta Saxo Tenore Onena aukeratu dabe 2007an 'Down Beat' aldizkariko irakurleek, eta jazzaren barritzaile nagusietakoa izaten jarraitzen dau. 'The Village Voice' egunkariak ‘jazzaren azken hilezkorra’ bezela definidu dau, eta jazzaren urrezko garaitik bizirik irauten dauen bakanetakoa da.

Sonny Rollins bere garairik onenetako batean dagoala dinoe Gasteizko Jazzaldiko arduradunek. Holan adierazoten dabe ‘Why Was I Born’ abestiagaitik 2006an emon eutsien Jazzeko Solo Instrumental Onenaren Grammy sariak, Polar Music sariak edota Colby College-ko Honoris Causa Doktore izentapenak.

Jazzaren historiaren inprobisatzaile handienetakoa da, eta kritika, musikari eta publikoaren betiko erreferenteetako bat. Saxofoi-joleen hainbat belaunaldiko inspirazino iturria da Sonny Rollins.

Era berean, Gasteizko Jazzaldiko antolatzaileek 2008ko edizinoa iragarriko dauen kartela be aurkeztu dabe, Josu Izarra argazkilari gasteiztarrak egina