‘Lantalan’, lan munduan euskera sustatzeko

| Ikusi handiago | Argazki originala

Emun Kooperatibeak www.lantalan.com webgunea abiarazo dau langile euskaldunei nahiz erdaldunei lanean euskerea erabilteko lagunduko deutsen tresnak eskaintzeko, eta lan mundua euskalduntzen lanean dabilzan eragileen arteko komunikazinoa eta esperientzia trukatzeko.

Aitatu webgunean hiztegiak, terminologia bankuak, enpresetako terminoen glosategiak, zuzentzaile ortografikoak, enpresetan ohikoak diran dokumentuen txantiloiak, dokumentuak euskeraz sortzeko jarraibideak, ohiko akatsei aurre egiteko jarraibideak, Interneteko euskerazko bilatzaileak eta euskerazko on-line irakurgaiak dagoz eskuragarri.

Horrezaz gan, euskera planak indarrean dituezan edota interesa daben enpresen arteko komunikazinoa hobetzeko eta esperientziak trukatzeko zein euskera planen inguruko informazinoa trukatzeko foroa dago.

Webguneak harpidetzea egiteko aukerea emoten dau eta horri esker, albiste bat argitaratzen dan bakotxean harpidedunari mezu bat helduko jako posta elektronikora, albistearen izenburu eta laburpen bategaz.

Emun kooperatibea lan munduan, arlo sozio-ekonomikoan euskerearen normalizazio prozesuan laguntzeko 1997. urtetik lanean dabilen taldea da.