Baga-biga diskoetxeak udabarrirako nobedadeak aurkeztu ditu

Celsius 32, OST, Neü eta Trikizio taldeen disko barriak dagoz lan horreen artean.

Uribe Kostako Celsius 32 talde barriaren diskoak laster ikusiko dau argia. Gaztelaniaz kantetan dabe eta Sober talde madrildarraren ikutu garbia igarten jake. Lehenengo disko hau ‘Alas’ izenburupean dator.

OST talde bermeotar beteranoak be disko barria kaleratuko dau. 1990ko hamarkadan euren bidea egin ondoren, taldea geldi egon da luzaroan eta orain bueltan dator bere hirugarren diskoagaz. Metal doinuak jorratzen ditu Bermeoko laukoteak.

Zarauztik dator Neü taldea. Hainbat maketa lehiaketa irabazi eta inguruko gaztetxe gehienetan emon ditue kontzertuak. Orain, lehenengo diskoa kaleratzeko aukerea heldu jake. Taldeak rocka eta metala buztartzen ditu.