Bizkaie!

Zabalik dago honezkero 57. Zinebi Zinemaldian lanak aurkezteko epea

Bizkaie! 2015-02-05 11:26 Barriak

Bilboko Zine Dokumental eta Film Laburren Nazinoarteko Zinemaldiaren – Zinebiren 57. edizinoa martxan dago honezkero. Abuztuaren 15era arte zabalik dago, zemendiaren 13tik 20ra egingo dan hurrengo edizinoan parte hartu nahi daben fikzinozko animazinozko lanak eta dokumentalak aurkezteko epea.

Zara McFarlane eta Christian McBride, 365 Jazz Bilbao zikloko lehen zatiko izarrak

Bizkaie! 2015-02-05 10:18 Musikea

Zezeiletik bagilera bitarteko programazinoa Zara McFarlane abeslari ingelesak hasiko dau zezeilaren 11n, eta ondoren etorriko dira Tony Allen bateria jotzaile afrobeata (martiak 11), Manu Katché perkusionista eta konpositore frantsesa (martiak 31), Jane Monheit abeslari estadubatuarra (maiatzak 5) eta Christian McBride baxu jotzaile birtuoso estadubatuarra (bagilak 2).

Bizkaiko Foru Aldundiaren historiari buruzko liburua argitaratu dabe

Bizkaie! 2015-02-05 09:55 kulturbiz

Joseba Agirreazkuenaga historialariak zuzendu dau Bizkaiko Foru Aldundiaren historia. 1500-2014 liburua. Bizkaiko Diputazinoaren historia herritarrei ezagutarazotea da behar honen helburu nagusia. Liburua Foru Liburutegian dago salgai, 25 euroan. Horrezaz gan, www.bizkaikodiputazioa.com webgunean bersino digitala bajatu daiteke, debalde.

Apirilaren 25ean izango da aurten BreakOnStage Jaialdia

Bizkaie! 2015-02-04 17:00 kulturbiz

BreakOnStage, Nazinoarteko Kultura Urbano Eszenikoen Jaialdian, agertoki bakarrean kultura urbanoaren espezialidade anitzak taularatzen dira, egungo barrikuntzakaz eta era dinamikoan. Arriola Antzokiak eta Logela Multimediak antolatzen daben jaialdia da. Mueta honetako Europako jaialdi garrantzitsuenetakoa da.

»» Ikusi argazki guztiak (2)

Hizkuntza aniztasuna, Europako Parlamentuan protagonista

Bizkaie! 2015-02-04 13:53 Euskerea berbagai

Hizkuntza Politikarako sailburuorde Patxi Baztarrikak Europako Hizkuntza Aniztasunerako Bide Orria Europako Parlamentuaren aurrean aurkezteko ekitaldia zarratuko dau bihar, zezeilak 5, Bruselan. Eusko Jaurlaritzea eskubide osoko kide dan NPLD sareak (Hizkuntza Aniztasuna Sustatzeko Europako Sarea) osoturiko dokumentua da Bide Orri hau.

'Gerezien denbora' Lapurditik datorren uri-pastorala Barakaldon taularatuko dabe, zapatuan

Bizkaie! 2015-02-04 13:15 Kulturea

Industrializazinoak Baionako gizartean eragindako aldaketea azaltzen dau Gerezien denbora herri antzerkiak. Itxaro Bordak idatzi dau testua, eta Beñat Axiari da zuzendaria. 120 bat lagunek hartu dabe parte pastoral post-industrial honetan, gehienak Lapurdin bizi diran zuberotarrak. Barakaldo Antzokian eskainiko dabe uri-pastorala, zezeilaren 7an, 17:00etan.

Ikus-entzunezko proiektuak sustatzeko erakunde arteko Ikusmira Berriak egitasmoa sortu dabe

Bizkaie! 2015-02-04 10:43 Barriak

Berrikuntzea eta esperimentazinoa ardatz daben ikus-entzunezko beharrak lagunduteko asmoz abiatu da Ikusmira Berriak ekimena. Erakundeen alkarlanaren emoitzea da egitasmoa, hain zuzen be, Tabakalera Kultura Garaikidearen Nazinoarteko Zentroak, Donostia Zinemaldiak, Donostia 2016 Europako Kultur Uriburuak, Donostia Kulturak eta Euskadiko Filmategia Fundazinoak hartu dabe parte.

Alex Txikon eta kideek goranzko bideari ekingo deutsie barriro be II. kanpalekura arte (5.900 m.)

Bizkaie! 2015-02-04 10:34

Helburua: Nanga Parbat (8.125 m.), neguan tontorrera heltzea inork be lortu ez dauen arren

Haizeek eta edurrak behartutako hiru eguneko atsedenaldiaren ostean, II. kanpalekura arte (5.900 m.) eta bertan kanpalekua ezartzen saiatuko dira lotara I. kanpalekura (5.050 m.) bueltetako. Meteo aurreikuspenen arabera, eguraldi oneko astebeteko tartea dator. Beraz, ez dabe alboratzen III. kanpalekura arte edo baita IV. era arte ekipetan jarraitzea.

»» Ikusi argazki guztiak (7)

Inoizko parte-hartzerik handiena izango dau aurten Nafarroako Bertsolari Txapelketeak

Bizkaie! 2015-02-03 14:49 Bertsolaritzea

Nafarroako Bertsolari Txapelketea Nafarroako euskal kulturearen erreferentzia nagusietakoa bihurtu da. Aurten, 42. edizinoa beteko dau. Hilaren 7an Iruñean hasi eta martiaren 28an amaituko da. Nabarmentzekoa da aurten inoiz baino bertsolari gehiagok emon dabela izena txapelketan, 33 izan dira.

»» Ikusi argazki guztiak (2)

Teknopolis, Tecnalia Kazetaritza Sariaren irabazle

Bizkaie! 2015-02-03 14:01 sariak-autortzak

Teknopolis saritzeko arrazoien artean, bi azpimarratu ditue epaimahaiko kideek: batetik, Teknopolisen 15 urteko ibilbidea, eta, bestetik, I+G+Bn egiten dan lana gizarteratzeko egiten dauen lana, zorroztasun zientifiko handiz eta oso era dibulgatzailean.

»» Ikusi argazki guztiak (2)

'Artistak egoitzan' programearen zazpigarren deialdia abian da

Bizkaie! 2015-02-03 12:19 Kulturea

Bilboko Udaleko Kultura eta Hezkuntza Sailak zabaldu barri dau Artistak egoitzan programearen 2015eko deialdia, BilbaoEszena Baliabide Eszenikoen Zentroaren bitartez. Arte eszenikoen arloan ikerketea eta barrikuntza sustatu eta bultzatzeko asmoz abiarazo zan ekimena. Konpainiek edo artistek martiaren 27ra arte aurkeztu ahal izango ditue sorkuntza proposamenak.

William Shakespeareren 'Sonetoak' euskeratu dau Juan Gartziak

Bizkaie! 2015-02-03 11:15 kulturbiz

Bistakoa da poesiak, eta lirikeak lotura zuzena dauela musikeagaz, eta bada proiektuan beste partaidetza bat, arte horretarako be: Joxan Goikoetxea musikariak, berak sorturiko doinuz, kanta bihurtu ditu Sonetoetariko batzuk, eta euskal kantari multzo ezagun batek jarri deutso ahotsa, Goikoetxearen beraren musika moldaeraz eta haren gidaritzapean.

»» Ikusi argazki guztiak (2)

Kataluniako X. Euskal Zinema Jaialdia zezeilaren 5ean hasiko da

Bizkaie! 2015-02-02 16:52 Barriak

Bartzelonako Euskal Etxeak Zinemaldia.Cat Kataluniako Euskal Zinemaldiaren hamargarren edizinoa antolatu dau. Asteon abiatuko da, eguenean, eta hilaren 27an amaitu. Lehian izango dira, besteak beste, Loreak, Five Days To Dance, Lasa eta Zabala eta Negociador pelikulak.

Ester Martinen 'Nånting måste gå sönder' eta Pilar Monsellen 'África 815', Zinegoak jaialdiko irabazleak

Bizkaie! 2015-02-02 13:53 Barriak

Domeka iluntzean amaitu zan Zinegoak Bilboko gaylesbotrans zinema eta arte eszenikoen nazinoarteko jaialdia. BBK Salan egin eben sari-emotea eta amaiera ekitaldia. 12. edizino honetan emakume bik irabazi ditue sari nagusiak lehenengoz, Ester Martinek, Fikzinozko film luzerik onenari saria; eta, Pilar Monsellek, Film dokumental luze onena.

»» Ikusi argazki guztiak (4)

Peli Martin, Jose Antonio Retolaza eta Xabier Aranbururen omenezko hilbarri-txostenak irakurri ditue Bilbon

Bizkaie! 2015-02-02 11:45 sariak-autortzak

Barikuan, urtarrilaren 30ean, Euskaltzaindiak osoko bilkurea egin eban Bilbon, Akademiaren egoitzan, Peli Martin, Jose Antonio Retolaza eta Xabier Aranburu omentzeko. Manu Ruiz Urrestarazu, Luis Baraiazarra eta Joxe Mari Iriondo ohorezko euskaltzainak leidu zituen hilbarri-txostenak.

Manex Agirrek irabazi dau Arabako Bertsolari Txapelketako bigarren finalaurrekoa

Bizkaie! 2015-02-02 09:59 Bertsolaritzea

Arabako Bertsolari Txapelketako bigarren finalaurrekoa Laudioko Lanbide Heziketako Udal Ikastetxearen aretoan jokatu eben domeka arrastian. Hirurogeita hamar bat bertsozale batu ziran, Manex Agirre Arriolabengoa (Aramaio), Jagoba Apaolaza Kastro (Gasteiz), Jon Ruiz de Pinedo Lekuona (Zalduondo), Unai Mendibil Etxebarria (Amurrio), Felipe Zelaieta Txurruka (Gasteiz) eta Zigor Enbeita Zugadi (Abornikano) kantuan ikusteko. Aramaiokoak lortu zituan puntu gehien.

Agur, Basque Research webguneari

Bizkaie! 2015-01-30 14:45 Kulturea

Beste hainbatek legez, krisi askotarikoei eta ekatxei aurre egiten saiatu da azken urteetan Basque Research: ikerketarako finantzazino-iturrien beherakadea (SAIOTEK deialdia bertan behera ixtea, esaterako), komunikabideen finantziazino-eredua… Baina bizirik irauteko helduleku nahikorik ez eta, agur esan behar izan dau.

Zapatuan hasiko da 'XIV. Dantza Plazetan' egitaraua

Bizkaie! 2015-01-30 12:00 Kulturea

Bilboko Udaleko Kultura eta Hezkuntza Sailak Dantza Plazetan egitarauaren XIV. edizinoa jarri dau martxan, euskal folklore herrikoia sustatzeko helburuz, herrietako plazetan egiten ziran erromeriak, jantza erakustaldiak eta kalejirak eskainiz. Aurten 46 emonaldi izango dira Deustuko, Begoñako, Ibaiondoko, Abandoko eta Basurtu-Zorrotzako barrutietako plazetan.

Kontseiluak estadaduen esku-hartzea salatu eta zezeilaren 28rako deialdia egin dau

Bizkaie! 2015-01-30 10:09 Euskerea berbagai

Euskerearen Gizarte Erakundeen Kontseiluak agerraldia egin eban atzo Donostian. Espania eta Frantziako gobernuen jarrerea salatu eben, eta gero eta modu agiriagoan datozen kanpo esku-hartzeen aurrean jarrera sendoa hartu daben administrazinoetako arduradunen jarrerea txalotu bere bai. Kontseilua osotzen daben erakundeetako hainbat ordezkari izan ziran prentsaurrekoan.