Eusko Jaurlaritzeak eskola publikoa aldarrikatu dau

| Ikusi handiago | Argazki originala

Eusko Jaurlaritzeak eskola publikoa aldarrikatu dau Euskadi eregiteko prozesu kolektiboa gune nagusienetakoa baita eta belaunaldi barrien etorkizuna prestetako oinarrizko tresnea. Horixe nabarmendu dau Begoña Pedrosa Eusko Jaurlaritzako Hezkuntza sailburuak Ehunetan lelopean Santurtzin egindako Euskal Eskola Publikoaren 33. Jaiaren inaugurazino-ekitaldian. Ekitaldian parte hartu dabe Susana Aribayos EHIGEko presidenteak, Itziar Carrocera Santurtziko alkateak eta Elixabete Etxanobe Bizkaiko ahaldun nagusiak zein hezkuntza-komunidadeko eta euskal erakundeetako ordezkariak.

Begoña Pedrosak azpimarratu dauenez, gizarte bezela eregiten dogun obrarik garrantzitsuena ez dago hormigoiz edo altzairuz egina. Eregiten dogun obrarik garrantzitsuena gure ume eta gazteak dira. Eskola publikoa da Euskadik bere etorkizuna goizero prestetan dauen lekuetako bat.

Sailburuak nabarmendu dau hezkuntzeak ezagutza-transmisino hutsa gainditzen dauela eta ikasleek beren gaitasunak ezagutzeko, euren bizi-proiektua garatzeko, persona desbardinakaz biziten ikasteko eta gizarte-kohesinoa indartzen daben loturak eregiteko gunea dala.

Aurtengo edizinorako aukeratutako Ehunetan goiburuari jagokonez, Pedrosak azpimarratu dau eskola publikoak milaka personez osotutako sarea ordezkatzen dauela, eta horreek laguntzen dabela egunero komunidadea eregiten. Ikasle, familia, irakasle eta ikastetxe bakotxak bere ekarpena egiten dau. Eskola publikoaren indarra, hain zuzen be, aniztasun horretatik eta bere indargune handienetako bat bihurtzeko dauen gaitasunetik sortzen da.

Etorkizuna eregiteak eskola publikoa indartzen jarraitzea dakar. Ikasle, familia, irakasle, ikastetxek eta Administrazino Publikoak osotzen daben sare hori da Euskal Eskola Publikoaren eraldaketearen oinarria. 500 lagunek baino gehiagok hartu eben parte Euskal Eskola Publikoa Eraldatzeko I. Plan Estrategikoan. Eusko Jaurlaritzeak sustatu eban prozesua, datozen urteetako hezkuntza, gizarte eta teknologia erronkei aurre egiteko ikastetxe publikoen gaitasuna indartzeko.

Aldaketa horren lehen pausuak martxan dagoz: giza taldeak indartzea, hezkuntza-espazioak hobetzea eta ikastetxeei laguntzeko baliabideak handitzea. 2022tik, 6.610 irakasle egonkortu dira eta 1.474 egiturazko plaza sortu dira hezkuntza-sisteman. Gainera, 2025-2026 ikasturtean, Pedagogia Terapeutikoko 100 profesional eta 97 HIPI irakasle sartu dira, 44 ume eta Lehen Hezkuntzan eta 53 Bigarren Hezkuntzan. Datorren ikasturtetik aurrera, entzumen eta hizkuntzako 76 espezialista izango dira, besteak beste.