Erandiotik Barakaldora paddle surf taulan eroan eben lekukoa

Bizkaie! 2026-03-27 08:07   Euskerea berbagai

Gaur, hilak 27, Korrikak Bizkaitik Arabara egingo dau.

Goizeko 08:20an hasiko da Lemoan eta handik Igorre eta Zeanuritik pasau ondoren, Gorbeialdera helduko da: Gopegi, Murgia eta Izarratik pasauta.

Arratsaldean Kuartangoko Zuhatzu eta Langraiz Okara helduko da eta ondoren Argantzun eta Añastro zeharkatuko ditu. Iluntzean Trebiñutik pasau ondoren, Zaldibarko mendatetik sartuko da Gasteizera, eta gauean uriburuko hainbat auzotatik pasauko da.

Gauerdian Durana eta Legutiotik jarraituko dau bidea. Goizaldean Leintz Gatzaga, Eskoriatza eta Arrasatera helduko da, Korrika barriro Gipuzkoan sartuz. Bergaran, Erramu Zapatuagaz topo egingo dau.

Atzoko momentu onenen artean, Erandiotik Barakaldora paddle surf taulan eroan eben lekukoa, korrontearen kontra, euskerearen alde. Bestalde, Ortuellako Consuelok, AEK-n ikasitakoak, 100 urtegaz hartu dau lehenengo aldiz lekukoa. 

Palestina Gara, Gasteizen

Palestinan biziten dabizen egoerea gurera ekarri eta espazioa eskaintzeko konpromisoa hartu dau AEKk alkartasunetik.

• Lekuko-hartzearen inguruko datuak:
• Bakearen kalea (Gasteiz).
• 2669. lekuko-hartzea.
• 23:00etan.

Ikusiko Korrika zuzenean hemen.

Ikusi argazki guztiak handiago