EITBk laguntzaile adimentsu bat jarri dau martxan Korrika denpora errealean jarraitzeko

Bizkaie! 2026-03-24 08:01   Euskerea berbagai

Zein da edizino honetako goiburua? Nork sortu ebann lehen Korrikaren lekukoa? Gaurtik aurrera, erantzun guztiak eskura dituzu. EITBk, Korrikaren atontzaileakaz lankidetzan, alkarrizketa-agente bat jarri dau martxan, lasterketeari buruzko edozein galderari berehala erantzuteko kapaz dana: denpora errealeko kokapena, herri
bakotxetik igaroteko ordutegia, goiburua, omendu dena (pertsona edo erakundea), abesti ofiziala eta
askoz gehiago. Eta ez edizio honetakoa bakarrik: laguntzaileak aurreko edizio guztien detaileak ditu.

Zelan sartu?

WhatsApptik

• Edegi WhatsApp zure eskuko telefonoan.
• Gehitu +34 663 00 31 49 zure kontaktuen artean.
• Bialdu mezua zure galdereagaz.
• Laguntzaileak berehala erantzungo deutsu.

korrika.eus-etik edo eitb.eus-etik

• Sartu korrika.eus edo eitb.eus atarian.
• Txata integrauta topauko dozu orrialdean: egin klik bertan eta idatzi zure galderea.
• Ez dozu erregistrau edo ezer instalau beharrik.

Zer galdetu zeinkio?

• ???? Non dago Korrika orain?
• ???? Zein ordutan igaroko da Bilbotik?
• ???? Nor edo zer da aurtengo omendua?
• ???? Zein da edizino honetako abestia?
• ???? Zein zan 2013ko Korrikaren leloa?
• ❓ Nork sortu eban lehen Korrikaren lekukoa?

Laguntzaileak euskeraz, gaztelaniaz eta frantsesez ulertzen ditu galderak, eta eguneko 24 orduetan dago eskuragarri lasterketa osoan zehar.

EITBren ekimena, Korrikaren atontzaileakaz lankidetzan.