Jean Haritschelhar euskaltzainburu ohia omenduko dabe barikuan Baionan

| Ikusi handiago | Argazki originala

Barikuan, abenduak 20, Euskaltzaindiak agiriko bilkurea egingo dau Baionan, irailean hil zan Jean Haritschelhar euskaltzainburu ohia omentzeko. Ekitaldia Herriko Etxean izango da, 15:00etatik aurrera.

Akademiak antolatutako egitarauaren arabera, Jean-René Etchegaray Baionako Udalaren lehen auzapezordeak berbaldia emongo dau lehenengo, ostean Andres Urrutia euskaltzainburuaren txandea izango da, eta amaitzeko, Beñat Oihartzabal euskaltzainak Jean Haritschelharren hilbarri txostena irakurriko dau.

Jean Haritschelhar Duhalde Baigorrin jaio zan 1923ko maiatzaren 13an, eta Miarritzen hil, 2013ko irailaren 1ean. Idazlea, euskaltzaltzalea, euskaltzaina, hogeita lau urtez euskaltzainburuorde eta hamasei urtez euskaltzainburu izan zan. Haren bibliografia akademikoa oso zabala izanda be, Pierre Topet Etxahun koplagilearen ganean egindako doktore ikerketa azpimarratzekoa da.

Horrezaz gan, Euskaltzainditik eta unibersidadetik kanpo lan ugari egin zituan, besteak beste, Herria aldizkariko kolaborazinoak eta Baionako Euskal Museoan ateratakoak.