Hala Bedi '30 Urte Kolpez Kolpe' liburu DVDa eskuragarri

| Ikusi handiago | Argazki originala

Hala Bedi Irratia 1983 an jaio zan eta bere urtemugea ospatzeko irratiaren 30 urteko historia argitara atera nahi izan dabe liburu baten bitartez. Bertan, irudi, dokumentu historiko eta enkarguzko komiki eta ilustrazinoak jasoten dira. Liburuari lagunduz irratiaren historia eta gaur egungo funtzionamendua azaltzen dauen dokumentala dago.

Aurkezpena gaur izan da Durangoko Azokan. Modu erraz eta arinean irakurteko testuan, euskeraz zein gaztelaniaz, garaian garaiko kartel, dokumentu historiko eta argazkiakaz osotu dabe. Bertan topauko dozuez irratiaren sorrerea, antolaturiko kontzertuak, itxierak, eztabaida ideologikoak, euskerearen bilakaerea, lizentzien buruhausteak, etab...

Batetik, dokumentalak bilakaera historikoa jarraituko dau, sorrerako irrati-kideen alkarrizketatik hasi eta gaur egunean lanean dabilzan kideetaraiono helduz. Bestetik, irratiko hainbat irratsaioetako kideak alkarrizketatuak izan dira.