Musikea, jantzea eta artea, 24. Xiru jaialdian

| Ikusi handiago | Argazki originala

Gotaine-Iribarne herriak hartuko dau Xiru jaialdia, martiaren 22tik 24ra bitartean. Kanpotik jinik lelopean, Portugal, Afrika eta Indiatik etorritako artistek euren lanak erakutsiko ditue jaialdiaren 24. edizinoan. Kulturearen unibertsaltasuna, sorkuntzea eta euskerea sustatzea dira festibalaren helburuak.

Jaialdiaren lehenengo egunean, martiaren 22an, Chez Ibar dokumentala emongo dabe 21:00etan. Ostean, Bigarren Mundu Gerran Zuberoan ostendu ziran Lorrenako errefuxiatuen inguruko berbaldia emongo dau Andre Thiriatek. Michel Macias eta Jean Christian Gaxetabürüren kontzertuak itxiko dau egitaraua.

Maskaradak eta buhameak erakusketeari bisitea antolatu dabe zapatuan, 11:00etan, Rene Martinez kontalaria lagun. Arrastian, 15:30ean, Irabarneko eleizan La photo déchirée filma proiektauko da, eta handik ordubetera eskulturea, musikea eta jantzea buztartzen dituan Uturzabala 8 ikuskizuna aurkeztu dabe. Amaitzeko, Trashumantzia eta Hirualde musika sorkuntzak aurkeztuko ditue Francois Rosse, Mixel Etxekopar, Chrysogone Dyangouaya, Julen Achiary, William Legares, Tony Houziaux eta Matthieu Lebrun musikariek.

Jaildiaren azkenengo egunean, domekan, 11:00etan kantaldi ibiltaria antolatu dabe plaza inguruan, eta 13:00etan, Getariako sukaldariek bazkaria prestauko dabe. Ederlezi Pastorala 15:00eta estreinauko dabe Gotaineko plazan.

Xiru jaialdiaren egitarau osoa, hemen.