San Telmo Museoa 2013ko Europako Museo Onenaren sarirako izentau dabe

| Ikusi handiago | Argazki originala

Donostiako San Telmo Museoa 2013. urteko Europako Museo Onena saria jasoteko hautagaien artean sartu dau Museoen Europako Foroak. EMYA sariaren epaimahaiak oraintsu egindako bilkuran 2013ko hautagaien museoen zerrendea osotu dau, Europako Kontseiluko 21 herrialdetako 28 museo dagoz, tartean museo donostiarra.

Donostiako Udaleko iturriek jaskinarazo dabenez, sari nagusiaren irabazlea, zein Aipamen Bereziarena, Silleto sariarena eta Kenneth Hudson sariarena, maiatzaren 15etik 18ra Tongeren-go (Belgika) Gallo Romeins museoan (2011ko irabazlea) egingo dan Europako Museoen Foroaren urteroko bileran jakinarazoko ditue. EMYAren sari banaketa ekitaldia maiatzaren 18an egingo da, Museoen Nazinoarteko Egunean, hain zuzen, aurten honako gaiaren inguruan egingo dana: Museoak (memoria eta sormena) = gizarte aldaketea.

EMYA 2013 sarirako proposatutako museoen zerrendan 28 museo dagoz, besteak beste, Amsterdameko National Maritime Museum, Bartzelonako Museo de Historia Natural, Liverpooleko Museum of Liverpool (2013ko Europako Kontseiluko Sariaren irabazlea), Ljubljanako Slovene Ethnographic Museum eta Edinburgoko National Museum of Scotland.

EMYA saria bere bisitariak erakarri eta gogobetetea lortzen dauen museo bati emoten jako, giro aparta, irudimenez egindako interpretazino eta aurkezpena eta hezkuntza eta gizarte-erantzukizuna sormenez lantzeagaitik. Museoaren kalidade maila orokorra eta bere lana be aztertzen dira.