Produkzino artistikoa eta ikuspegi feminista aztertuko ditue Bilbon egunotan

Ikuspegi feministak produkzio artistikoetan eta artearen teorietan ikastaroak 300 lagun batuko ditu egunotan, Bilboko Alondigan. Amelia Valcarcel fiolosooak edegiko ditu jardunaldiak, artearen alde sozialaren ganeko berbaldi bategaz, barikuan, 16:00etan. Lourdes Menéndez EHUko Arte Antropologiako Katedraduna eta Xabier Arakistain komisario idependentea dira ikastaroaren zuzendariak.

Ikastaroaren helburu nagusia ikertzaile feministek topetan dituen arazo teorikoetan eta politikoetan eragitea da, giza zientzian eta gizarte zientziak sortutako ikuspegi sexistetatik aske. Ekoizpen artistikoaren ezagutza kritikoa azalduko dabe Bilbon batuko diran hizlariek. Amelia Valcarcelez gan, Mónica Mayer, Brigid Doherty, Helena Reckitt, Ivonne P. Doderer, Guerrilla Girls eta Maite Garbayo izango dira Alondigan.

Ezagutza feministak, XX. mendearen erdialdetik, gziartearen hainbat alde ilun agirian ipini ditu, eta askorentzat traba izan da. Ekoizpen artistikoaren egitura sexistak, esaterako, salatu ditu. Sexu, etnia, arraza eta gizarte maileak dauken eragina be aztertu dabe.

Ikastaroak zati nagusi bi ditu: Artearen dimensino soziala, artistak, obrak eta testinguruak; eta, Artearen Historia Feministearen eraketea. Lehenengo atalean, Amelia Valcarcel UNEDeko Filosofia katedradun, Yvonne P. Doderer, Mónica Mayer eta Guerrilla Girls taldeko kide Frida Kalho artisten berbaldiek osotuko dabe. Artearen Historia Feministaren eraikuntza gaia, ostera, Maite Garbayo, Brigid Doherty eta Helena Reckitten historialariak landuko dabe. Berbaldi guztiak euskeraz, gaztelaniaz eta ingelesez batu eta argitaratuko dira.

Bariku eta zapatuan egingo ditue berbaldi guztiak, eta domekan mahai-ingurua antolatuko dabe, 13:00etan. Zuzenean ikusi ahal izango da mahai-ingurua, www.alhondigabilbao.com gunean, streaming bidez.

Ikusi argazki guztiak handiago