Museoen etorkizuna, eztabaidagai BizBAK udako ikastaroetan

| Ikusi handiago | Argazki originala

Musealizazino prozesuak museotatik harago ikastaroa egingo dabe garagarrilaren 5ean eta 6an BizBAK EHUko Bizkaia Bilbao Arte eta Kultura ikastaroetan. Finantzatzeko modu alternatiboak eta gizarteagaz hartu-emonak izateko modu barriak aztertuko ditue hainbat adituk. Bilboko Zazpi Kaleetako UPV/EHU-BBK Etxean egingo da ikastaroa, goizez.

Museoek eta ondare zentroek euren finantza-bideragarritasuna bermatzeko bide barriak topau behar ditue, eta euren babesleekaz hartu-emonak sendotzeko moduak asmatu. Mintegian estadu espainiarrean martxan ipinitako hainbat egitasmo aztertuko dira.

Ikastaro osoa gaztelaniaz izango da. Garagarrilaren 5ean, ondoko berbaldiak izango dira: La crisis, la crisis de los museos y las alternativas de patrimonialización, Iñaki Diaz Balerdi (EHU); El teatro Romano de Cartagena como motor de dinamización de la ciudad, Elena Ruiz Valderas (Antzerki Erromatarraren Museoa); Procesos de museización de los núcleos históricos. Algunos ejemplos catalanes, Josep Manuel Rueda (Patrimoni Arquitectònic, Arqueològic i Paleontològic-eko Zuzendari Ordea. Generalitat de Catalunya). Eguna amaitzeko, mahai-ingurua egingo dabe, ondareak eta museoek krisiaren aurrean daben papelaren aurrean.

Garagarrilaren 6an, beste hiru berbaldi prestau ditue: Procesos de Patrimonialización para el desarrollo de productos turísticos, Oscar Navajas (Antonio de Nebrija Unibersidadea); Patrimonio (no sólo industrial) y ciudades creativas, Roberto Gómez de La Iglesia ( C2+i); La economía de la cultura en tiempo de crisis, Gonzalo Arroita.