Euskaltzaindia Zarautzen, bertako Frantziskotarren 400. urteurrenean

| Ikusi handiago | Argazki originala

Gaur, abenduak 17, barikua, ageriko bilkurea egingo dau Euskaltzaindiak Zarautzen, Frantziskotarren komentuan (San Frantzisko, 2) bertako Frantziskotarren 400. urteurrena dala eta.

Bilkurako egitarauan, Aguirre Asteasukoaren erakusaldiak: Sermoia ikuspegi sozio-diskurtsiboaren argitan liburuaren aurkezpena izango da, Agirre Asteasukoari buruz Arantza Ozaeta andreak egindako tesia.

Horrezaz gan, Jose Luis Lizundia, diruzainak Fray Bäertel sermolari famatua (Durango, 1850 – Zarautz, 1922) izenburuko berbaldia eskainiko dau eta, azken buruan, Adolfo Arejita, euskaltzainak Frantziskotarren oratoria: Zarauzko Misiolari-kolegioaren papera gaia jorratuko dau.

Agirre Asteasukoaren eracusaldiac: Sermoia ikuspegi sozio-diskurtsiboaren argitan liburua Euskaltzaindiak argitaratzen dauen Iker bildumako 24. zenbakia da eta Arantza Ozaetak idatzi dau. Mondragon Unibersidadearen eta Akademiaren arteko hitzarmenari esker argitaratu da. Ozaetaren doktorego tesiaren bertsinoa da, eta Luis Mari Larringan Aranzabalen zuzendaritzapean egin eban, EHUko Hizkuntzalaritza eta Euskal Ikasketak Sailean. 2009ko zezeilean irakurri eban. Egileak dinoen legez, 'liburuak sermoia zer dan azaltzea dau helburu, beti be, sermoia hizkuntzazko jazoera eta objektu diskurtsibotzat hartuta'.