AlhondigaBilbaok 'Alhóndigaren sekretua' liburua aurkeztu dau

Bizkaie! 2010-10-28 14:58 kulturbiz

Liburuan, zenbait komikigile ospetsuk Kultura, Aisialdi eta Ariketa Fisikoko Zentro barriari buruzko ikuspegia islatu dabe istorioen bitartez. Argitalpenak eraikinaren eta inguruaren arkitektureari eta espirituari buruz egileek dituen ikuspegien istoriotxoak jasoten ditu. Danetara, 100 orrialdetan, liburuak AlhóndigaBilbaoren funtsa marrazki original eta koloretsu bihurtzen dau, marrazkilarien ikuspegi eta trazuen bitartez.

AlhóndigaBilbaok Alhóndigaren sekretua liburua aurkeztu dau gaur, hilak 28, Mediatekan. Javier de Isusi eta Laura Pérez Vernetti marrazkilariek komikiak marrraztu ditue zuzenean Mikel Andueza saxofonistearen parte-hartzaileagaz. Aitatu liburuan, zenbait komikigile ospetsuk Kultura, Aisialdi eta Ariketa Fisikoko Zentro barriari buruzko ikuspegia islatu dabe istoriotxoen bitartez. Argitalpenak eraikinaren eta inguruaren arkitektureari eta espirituari buruz egileek dituen ikuspegien istoriotxoak jasoten ditu. Danetara, 100 orrialdetan, liburuak AlhóndigaBilbaoren funtsa marrazki original eta koloretsu bihurtzen dau, marrazkilarien ikuspegi eta trazuen bitartez.

Alhóndigaren sekretua liburuaren aurkibidean, belaunaldi desbardinen komikietako lehenengo irudiak agertzen dira, bai eta euskal marrazkilarien ordezkaritza garrantzitsu bat be.

Kontuak kontu, ondokoek hartu dabe parte proiektu honetan:

- Alfonso Font, Los espacialistas, Los Robinsones de la Tierra eta El prisionero de las estrellas lako serie mitikoetako egilea.
- Daniel Torres, 80 eta 90eko hamarkadetan arrakasta handia izan eban Roco Vargasen planetarteko sagaren egilea.
- Laura Pérez-Vernetti, trazu plastikoko eta sentikortasun handia dauen marrazkilaria. Do Luca, Sampayo, Hernández Cava, Altarriba eta bestelako gidoilari ospetsuen istorioak marraztu ditu.
- Miguel Ángel Martín, nazinoartean proiekzinorik handienetakoa dauen gure gidoilarietako bat da, eta kultuko egile bihurtu daben zientzia-fikzinozko intriga zirraragarriak egin ditu.
- Paco Roca, Istoriotxoen Sari Nazionala irabazi eban Arrugas lanagaitik. Salmenta-arrakasta itzela lortzeaz gainera, dimentsino barri batean kokatu eban komikia.
- Santiago Valenzuela, azken urteotako balore originaletakoa. Capitán Torrezno sagaren egilea da, eta sormenezko mundu personala dauka.
- Javier de Isusi, errealidade ezaguna zan gure mugetatik kanpo La pipa de Marcos edo La isla de Nunca Jamás lako tituluakaz. Isusik, ganera, bizibarritu egin dau abenturearen mundua.
- Raquel Álzate, trebakuntza tekniko handiko marrazkilaria. Euskal mitologiari buruz egindako interpretazinoari esker, arrakasta handia lortu dau.
- David Rubín, euskal komikiaren munduan goranzko bidean dagoan beste izar bat. Kalidade eta aldakortasun handia erakusten dago, La tetería del oso malayo edo Cuaderno de tormentas lako lanetan.