Getxo da, 3.927 helbidegaz, @bizkaia.eu posta elektroniko gehien dituan Lurraldeko udalerria

Getxo da Bizkaian Biscaytik proiektuak eskaintzen dauen @bizkaia.eu posta elektroniko gehien dauen udalerria, Bizkaiko Foru Aldundiak sustatzen dauen ekimena eta errealidadea bihurtzen ari dana. Izan be, 3.927 lagunek altea emon dabe zerbitzu honetan, teknologia barria erabiliz, toki administrazinoen eta herritarren arteko hartu-emonak hobetzeko helburua dauen zerbitzuan.

Getxoko Udalak eta Bizkaiko Foru Aldundiak herritarrak animetan ditue dobako zerbitzu honetan altea emon daien, euskeraz eta gaztelaniaz dobako posta-zerbitzua Bizkaiko herritarrentzat, herritarren izapideetarako web ataria eta udal-kudeaketarako sistema integrala eskaintzen dauen honetan. Informazino gehiago www.bizkaia.eu helbidean, 900 840 250 telefono zenbakian edo info@biscaytik.eu posta elektronikoaren bidez.

Bizkaia.eu: 27.000 posta helbide elektroniko

Bizkaia.eu dominioaren izenpean egokitu diran posta-kontu elektronikoei jagokenez, bagilaren amaieran hasi ziran Bizkaiko udalerri guztietan herritar bakotxari gutun bana bialtzen, eta ordutik hona, 27.000 herritarrek aktibau dabe euren 5 gigako kontua, elebiduna eta publizidaderik bakoa.

Era berean, zemendiko lehen hamabostaldian 400.000 gutun pertsonalizatu bialduko jakez Bilbon eta Barakaldon 14 urtetik gorako herritarrei, euren dobako kontu elektronikoa aktibau daien.

Ordurako, lankidetza hitzarmenak sinatuko dira udal pilotu guztiakaz (Abanto Zierbena, Balmaseda, Basauri, Galdakao, Mundaka eta Arratiko Mankomunidadea), proiektua behin betiko garatzeko.

Azkenik, teknologia barriak gizarteko edadekoei hurreratzeko asmoz, BiscayTIK Fundazinoa Nagusien ferian be izango da, hau da, edadekoen aisialdiari, zerbitzuei eta jarduerei buruzko erakusketan, BECn datorren hileko 16tik 18ra. Fundazinoak proiektuari buruzko informazinogune bat izango dau, eta interesa dauen edozeinek hantxe bertan aktibau ahal izango dau bizkaia.eu posta-kontua, ordurako egin ez badau.