Die Toten Hosen punk-rock talde alemaniarrak Bilboko Kafe Antzokian joko dau barikuan
2009-09-22 15:15 MusikeaDie Toten Hosen punk-rock talde alemaniar beteranoak kontzertua eskainiko dau bariku honetan, irailak 25, Bilboko Kafe Antzokian. Emonaldia 21:30ean hasiko da eta sarrerak 20 euroko prezioa dau aurretiaz erosi ezkero eta 23 eurokoa kontzertuaren egunean txarteldegian erosita, areto bilbotarreko iturriek jakinarazo dabenez.
Die Toten Hosen punk-rock talde alemaniar beteranoak kontzertua eskainiko dau bariku honetan, irailak 25, Bilboko Kafe Antzokian. Emonaldia 21:30ean hasiko da eta sarrerak 20 euroko prezioa dau aurretiaz erosi ezkero eta 23 eurokoa kontzertuaren egunean txarteldegian erosita, areto bilbotarreko iturriek jakinarazo dabenez.
Düsseldorf uri alemaniarreko taldea da Die Toten Hosen. Alemanian izandako punk mobimendutik sorturiko taldea da eta 1982an hasi ziran joten. Taldeak berezkoa dauen punk rock estiloa jorratzen dau eta kanta gehienak alemanez abesten ditue.
Die Ärtze taldeagaz batera, Alemaniako punk talderik garrantzitsuena da. Alemanian, 22 miloe disko saldu ditue honezkero. Merkaduan 20 disko baino gehiago daukiez eta AC/DC, U2, Metallica, Iggy Pop, Ramones edota The Rolling Stones moduko taldeakaz batera jo izan dabe zuzenean.
2009an egiten dagozan kontzertuetan kartel-buru dira hainbat jaialditan, kasurako Novarock jaialdi handian, Metallica, Placebo, Slikpnot zein Faith No More moduko taldeen ondoan.
'Toto Hose' Alemanian erabilten dan esamolde bat da 'abrozidua' edo 'bizirik bakoa' esateko.
Erantzun
Erantzuteko, izena emanda egon behar duzu. Sartu komunitatera!