EHUko Udako Ikastaroak eta Europar Ikastaroak inaugurauko ditue gaur

Euskal Herriko Unibersidadeak (EHU) antolatzen dituan XXVII. Udako Ikastaroen eta XX. Europar Ikastaroen inaugurazino ofiziala egingo da gaur, bagilak 24, 19:00etan, Donostiako Miramar Jauregian.

Bertan, Carlos M. Duarte biologoak eta Ikasketa Aurreratuen Mediterranear Institutuko irakasleak Aldaketa globala: erronkak eta aukerak berbaldia eskainiko dau. American Society of Limnology and Oceanography erakundeak emondako Evelyn Hutchinson zientzia arloko bikaintasunaren dominaren (2001) eta 'Alejandro Malaespina' Espainiako Ikerkuntza Sari Nazionalaren (2007) jaube da Duarte irakaslea.

Ekitaldian, Juan Ignacio Perez Iglesias jarduneko EHUko errektorea; Tontxu Campos Eusko Jaurlaritzako Hezkuntza, Unibertsitate eta Ikerketa sailburua; Markel Olano Gipuzkoako diputadu nagusia; Odón Elorza Donostiako alkatea; Vicente Gutiérrez BBVA Fundazinoko gerentea; eta José Lius de la Cesta EHUko Udako Ikastaroen zuzendaria be egongo dira.