Hogei urteko ibilbidea 14 kantutan

| Ikusi handiago | Argazki originala

Mikel Markezek (Errenteria, 1971) bere zortzigarren lana kaleratu dau oraintsu. Ez dira kantu barriak, bilduma lana da; kontzertuak emoten hasi zanetik 20 urte beteko dira aurten, eta ibilbide horretako lana disko bakar batean batu dau ‘Zure begiek bilduma 1988-2008’ bilduman, hain zuzen be. Danetara, 14 kantu aukeratu ditu Mikel Markezek.

Apirilaren 4an emon eban diskoaren lehenengo aurkezpen kontzertua Aian; emonaldi berezia izan zan, kontuan hartuta, Mikel Markez bertan bizi dala azken 15 urteotan. Hurrengo kontzertuak maiatzean eskainiko ditu: lehenengoa, maiatzaren 16an, Getxon, Algortako Getxo Antzokian, iluntzeko 20:00etan hasita. Bigarrena, barriz, Iruñean, maiatzaren 22an, Erraldoien Txokoan, 20:00etatik aurrera.

Kantu barriak eta beste disko bat atarateko beste materiala ei dauka errenteriarrak baina oraingoz bilduma lan honen zabalkundeari ekingo deutso.