Jaurlaritzeak, Generalitateak eta Xuntak hizkuntz aniztasuna sustatzeko zenbait jarduera egingo ditue

Eusko Jaurlaritzeak, Kataluniako Generalitateak eta Galiziako Xuntak hizkuntz aniztasuna sustatzeko eta errespetetako zenbait jarduera egingo ditue alkarregaz 2008. urtean, Unescok izentautako Hizkuntzen Nazinoarteko Urtean. Holan adostu dabe hiru gobernuetako hizkuntz politikearen goi agintariek Santiagon izandako bileran, 2007ko martian sinatu lankidetza-hitzarmenaren argitan.

Patxi Baztarrika Eusko Jaurlaritzako Hizkuntza Politikarako sailburuordeak, Joan Bernat Kataluniako Generalitateko Hizkuntza Politikarako idazkariak eta Marisol López Xuntako Hizkuntza Politikarako idazkari nagusiak bakotxaren lan-taldeakaz batu eta adostu dabe datorren urtean jarduerak alkarregaz abiarazoko dituela Parisko Expolangues azokan, Hizkuntzen Nazinoarteko Urteagaz bat eginez.

Berlingo Expolinguan erakustoki bateratuagaz arrakastea lortu ondoren, Parisen be jarduera zehatzak antolatuko dira, jarraipena izateko asmoz, gainera, urtean zehar egiten diran nazinoarteko beste azoka batzuetan.

Bestalde, bileran interesa agertu dabe Estaduko Administrazino Orokorragaz lankidetzan aritzeko, euskerea, katalana eta galegoaren hizkuntz normalizazinoa bultzatzeko Estaduko Administrazino periferikoan.

Hiru gobernuen arteko lankidetzearen beste ildoa alkarregaz jardutea da Espainiako Gobernuak kulturen arteko hezkuntza alorreko programak eta ekintzak sustatu eta planifikau daizan, Estadu osoaren kultura eta hizkuntza aniztasunean oinarrituta.

Azkenik, Patxi Baztarrikak, Bernat Joanek eta Marisol Lópezek adierazo dabe komenigarria litzatekeela RTVE Korporazinoaren lehen agindu-markoan hizkuntz aniztasunaren aldeko gizarte-pedagogia eranstea. Hiru ordezkari politikoren eretxiz, beharrezkoa da RTVEn euskerea, katalana eta galiziera agertzea, ze uste dabe gizarte-pedagogia, eraginkorra izango bada, praktikara eroan behar dala.

Hizkuntza Politikearen hiru ordezkaritzak alkarlana garatuko dabe datozen hilebeteetan, apurka-apurka hizkuntza guztien arteko bardintasun handiagoa lortzeko, era horretara, kohesio sozialean eta alkarbizitzea hobetzen lagunduz.