‘Sendi’, familiako kide danantzako euskerazko ekitaldien programa aitzindaria

| Ikusi handiago | Argazki originala

Getxoko Udalak eta Egizu alkarteak, bertoko ikastetxeakaz eta gurasoen alkarteakaz batera, 2007-2008 ikasturterako ‘Sendi’ programearen barruan aurreikusitako ekimenak ezagutzera emon ditue, umeen gurasoek euskerea erabiltea eta belaunaldien arteko hizkuntzearen transmisinoa eragiteko.

Eskaintza zabala da, euskeraz eta gazteleraz: ikastaroak gurasoei etxerako lanakaz laguntzeko, kanta eta dantza tailerrak, ipuin tailerrak, sukaldaritza saioak umeakaz, gurasolagun taldeak mintzapraktikea egiteko, astegoieneko barnetegiak umeakaz batera, gurasoentzako berbaldiak, etab.

Proiektu hau igaz jarri zan martxan ikastetxe guztietako 2-12 urteko ikasleen gurasoen artean euskerearen erabilerea eta belaunaldien arteko hizkuntzearen transmisinoa sustatzeko. Bertan guraso eta ume askok parte hartu ebela ikusita, aurten proiektua zabaldu eta handitu egin dabe.

’Sendi’ proiektua ondoko lagunei zuzenduta dago: Getxoko ikastetxe guztietako A, B eta D ereduetako 2-12 urte arteko ikasleen gurasoentzat eta Getxon bizi diran guraso guztientzat, nahiz eta seme-alabak beste udalerri bateko ikastetxeetan egon. Begirale, hezitzaile eta irakasleentzat be bada proiektu hau. Egitasmo hau danontzat da: euskaldunentzat, erdaldunentzat eta zer edo zer dakienentzat edo ikasten dabilzanentzat.

Ekimen guztiak doban edo oso merke izango dira eta haurtzaindegia egongo da. Informazino gehiago Egizun: sendigetxo@yahoo.com, www.blogari.net/sendi edo telefono honetan 685 732 963 (Lander).