Uribe Kostako bost udalerrik 4tik 12 urtera bitartekoentzako III. ‘Irakurteko Txokoak’ hartuko ditue udan

Bizkaie! 2007-07-04 02:00   Euskerea berbagai

Uribe Kostako Zerbitzu Mankomunidadeko Euskera Zerbitzuak martxan jarri dau barriro be jarraikako hirugarren urtez ‘Irakurteko Txokoak’ ekimena. 4tik 12 urtera bitarteko umeei zuzentzen jaken jarduera kultural eta aisialdikoa da, alde dibertigarriak euskerearen, irakurketearen eta ohitura osasuntsuen sustapenagaz buztartuz.

Uribe Kostako Zerbitzu Mankomunidadeko Euskera Zerbitzuak martxan jarri dau barriro be jarraikako hirugarren urtez ‘Irakurteko Txokoak’ ekimena. 4tik 12 urtera bitarteko umeei zuzentzen jaken jarduera kultural eta aisialdikoa da, alde dibertigarriak euskerearen, irakurketearen eta ohitura osasuntsuen sustapenagaz buztartuz. ‘Irakurteko Txokoak’ eremu ibiltariak dira eta Bizkaiko kostaldeko bost udalerritan liburutegi, puzgarri eta kontu kontalari eremua jarten da. Aldi berean, eguzkiaren aurrean babestuta egoteko elementuen erabilerea bultzatzen da, eguzkitako betaurrekoak, gorroak edota kremak kasu. Txoko ludiko honeetan, pasa dan urtean, 10.000 umek parte hartu eben.

Ekimena garagarrilean zehar burutuko da, sarrera librea izango da eta Uribe Kosta eskualdeko bost udalerritan egongo da: Gorlizen, Plentzian, Sopelanan, Berangon eta Urdulizen. Lehenengo hiruetan jarduerak hondartzan egingo dira; Berangon eta Urdulizen ‘txokoak’ Moreaga parkean eta Lehendakari Agirre plazan, hurranez hurran. Kasu guztietan beste lokal estali alternatibo batzuk aurreikusi dira, euria egiten dauen kasurako edo eguraldia txarra danerako.


Irakurketarako eremu dibertigarria

‘Irakurteko Txokoak’, 200 ume hartzeko besteko 300 metro koadro inguruko instalazino mobikorrak dira 4tik 12 urtera bitarteko umeen euskerazko irakurketa eta aisialdirako. Ondoko atalak izango dira:

  • 450 liburutik gorakoliburutegia, liburuzain batek zaindua.
  • Mahaiak, aulkiak eta itzalkinak dituan irakurketa eremua, bi begirale elebidunek zainduta.
  • Kontu kontalarientzako eta itsasoa gaitzat daben puzgarrientzako eremua, joan dan mendeko 20ko hamarkadako hondartzak gogorarazoten dituan dekorazinoagaz batera.

Aurreko edizinoetan legez, Txokoetan izango diran begirale eta aktoreek garaiko jantziak eta bainujantziak izango ditue.

Horren guztiaren helburua umeak irakurketara hurreratzea da, dibertigarria eta entretenigarria dan zeozertara bezela. Horretarako, ‘Irakurteko Txokoen’ antolaketeak Mondragon Unibersidadeko Humanidade eta Hezkuntza Zientzien Fakultadearen eta Haur Literaturdaren Mintegiaren aholkularitzea izan dau, izan be, liburu eta kontu kontalari guztien aukeraketan parte hartu dabe. Era berean, Educats, cultura & espectáculos-en aholkularitzea izan da.

Alde dibertigarri eta kulturalagaz batera, ekimen honek ohitura osasungarrien garrantzia azpimarratu nahi dau eta, batez be, udan eguzkiaren aurrean izan beharreko babesagaz buztarturiko horreek. Hori dala eta, begiraleek informazino praktikoa emongo dabe behar bezela hidratetan ikasteko, eta ume guztiak eguzkitako betaurrekoakaz, gorroakaz eta eguzkitako kremakaz babesteko.

‘Irakurteko Txokoak’ goizez, 12:00etatik 14:30etara eta arratsaldez, 17:00etatik 20:00etara egongo dira zabalik; martitzenetan Urdulizen, eguenetan Berangon, barikuetan Sopelanan, zapatuetan Plentzian eta domeketan Gorlizen kokatuko da.

‘Irakurteko Txokoak’ Uribe Kostako Zerbitzu Mankomunidadearen Euskera Zerbitzuak sustatzen ditu Eusko Jaurlaritzako eta Bizkaiko Foru Aldundiko Kultura sailen laguntzinoagaz eta BBK eta Metro Bilbaoren babesagaz. Horrezaz gan, merkataritzako firma desberdinek bat egin dabe ekimenagaz eta ur minerala (Eroski), eguzkitako krema (If lurrindegiak) eta eguzkitako betaurrekoak (Medical Óptica) jarri ditue.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu