Xanon arte-galeria inaugurauko dabe eguenean Bilbon

| Ikusi handiago | Argazki originala

Xanon arte-galeria barriak eguenean, hilak 21, zabalduko ditu bere ateak Bilbon Cristina Gutierrez-Meurs (Madril, 1966) artistearen ‘Entre blanco y negro’ izenburuko erakusketeagaz.

Arte-areto barria Bizkaiko uriburuko Juan Ajuriaguerra kaleko 33. zenbakian kokatuta dago. Erakusketetarako 100 metro koadroko gunea dauka, eta beste 60 metro koadro ditu galeria-funtserako.

‘Entre blanco y negro’ erakusketan, ‘adopzinoz’ bilbotarra dan artisteak arketipo legez aztertzen dau gizakiaren irudia, bakarkako pertsonaiak islatuz, atenporalak, gizarte errealidade zehatz batean kokatu barik. ‘Sueños’ eta ‘Gente corriente’ erakusketakaz hasitako ekimena amaitu dau Gutierrez-Meursek erakusketa barriagaz. Gutierrez-Meursek grafitoa, pastela eta papel gaineko ikatza erabilten ditu. Kolorerik barik, artisteak griserantz doan zuri-baltzezko planteamentua egiten dau, gizakiaren uniformetasunaren sentimentua adierazoteko. Erakusketea irailaren 21etik urriaren 25a arte egongo da ikusgai.