Bizkaiko Foru Liburutegiak ate edegien jardunaldiak egingo ditu urriaren 23an eta 24an
2014-10-16 11:02 kulturbiz
Bizkaiko Aldundiak urriaren 24ko Liburutegien Nazinoarteko Eguna ospatuko dau eta ate edegien jardunaldiak antolatu ditu Foru Liburutegian urriaren 23an eta 24an. Bisita gidatuak egingo dira, eta gainera, salbuespen legez, kubora sartu ahal izango da.
III. Gorbeia Suzien, inoiz baino gehiago
2014-10-15 15:45
Zeanurin dana prest dago urteko jazoerarik garrantzitsuenerako. Urriak 18an izango da Gorbeia Suzien Banco Mediolanum Sari Nagusia, eta aurten lehiaketa honek beste pausu bat emon dau, nazinoarteko mendi-lasterketen federazinoko (ISFko) Skyrunner National Series zirkuitoan sartuz. Holan, Gorbeia Suzien 2014ko Skyrunner National Championship izango da.
Marta Cardenasek egin dau 49. Durangoko Azokako kartela
2014-10-15 15:45 Kulturea
Artista donostiarrak eskuz pintautako lanak iragarriko dau aurtengo Durangoko Azokea. San Agustin Kulturgunean egin dabe aurkezpena goizean, eta bertan izan dira Marta Cardenas artistea bera, Nerea Mujika Gerediagako burua eta Txelu Angoitia argazkilaria. Durangoko Azokea abenduaren 5etik 8ra egingo da.
Arratierea ezagutarazoteko ikastaroa antolatu dabe Bedian
2014-10-15 15:17 Euskerea berbagai
Arratiako lexikoa, idazteko gomendioak eta bertako etno-ipuin eta esaundak jorratuko ditue Bediako Liburutegian zemendian eta abenduan. Angel Larrea, Juantxu Rekalde, Juan Manuel Etxebarria eta Aitor Erdozia izango dira irakasleak. Tailerrean izena emoteko epea zabalik dago urriaren 24ra arte.
Hibridismo dialektala ardatz hartuta datoz aurten Mendebalde Kultura Alkartearen jardunaldiak
2014-10-15 15:01 Euskerea berbagai
Mendebalde Kultura Alkarteak 2014ko urriaren 16 eta 17an Hibridismo dialektala XXI. mendean izenburuko XVIII. Jardunaldiak egingo ditu. Berbaldiak eta ganerakoak arratsaldez izango dira 17:00etatik aurrera. Azken urteotan legez, XVIII. Jardunaldiok Euskaltzaindiaren Bilboko egoitzan, Plaza Barria 15ean, izango dira.
Badator EH Sona 2014
2014-10-15 13:52 Musikea
Aurtengoa urriaren 24tik abenduaren 6ra bitartean egingo da eta betiko kartel indartsu eta erakargarriaz gan, proposamen barriak be badakarz: batetik, musika autogestino lantegia egingo da, Ainara LeGardon kantariagaz; eta, bestetik, txikiei eskainitako Txo! jarduera berezia egingo da.
Nafarroa Oinez jai handia Zangozan, urriaren 19an
2014-10-15 12:33 Euskerea berbagai
Milaka lagun batzea espero dabe Nafarroa Oinez jaiko arduradunek domekan, Zangozan. Esan izan goza Zangozan lemea aukeratu dau Zangozako Ikastoleak, euskerearen erabilpenaren garrantzia azpimarratzeko.
Egitarau aberatsa Bilborocken udagoienean
2014-10-15 11:28 Musikea
Barrikuntzarik nabarmena Sostenidodun alkarrizketak programea da; hilean behin, Euskal Herriko musikariak konbidauko ditue, holan artistak eta gazteak alkarregaz egongo dira esperientziak trukatzeko eta musikearen ganean berba egiteko. Besteak beste, Kepa Junkera, We Are standard, Doctor Deseo eta El Inquilino Comunista taldeetakoak egongo dira esperientzia konpartiduten.
Benoit Broisaten 'Le musée imaginaire' erakusketea aurkeztu dabe Bilboko Rekalde aretoan
2014-10-15 11:04 Kulturea
Zemendiaren 23ra arte, Alexandra Baures komisarioak zuzenduta, Benoit Broisat artistearen Le musée imaginaire erakusketa izango da ikusgai Rekalde aretoan. Mapamundistak 2014 edizinoaren barruan, eta Bilboko Institutu Frantsesaren laguntzinoagaz aurkeztu da.
Eusko Jaurlaritzeak Euskerearen Agenda Estrategikoa aurkeztu dau
2014-10-15 10:38 Euskerea berbagai
Legealdiaren hasieran, Jaurlaritzeak legealdi honetarako (2013-2016) 14 Plan Estrategiko egingo zituala iragarri eban. Horreetako bat da, hain zuzen be, Euskerearen Agenda Estrategikoa. Jaurlaritzea legealdi honetan euskerea bizibarritzearen alde egiten dagoan eta egingo dituan ekintza eta jarduera nagusiak jasoten ditu Agendeak, hain zuzen.
Alaine Agirre bermeotarrak helduentzako lehenengo nobelea kaleratu dau, 'Odol mamituak'
2014-10-14 17:55 Kulturea
Infernurako joan-etorri bat da liburu hau, Miren Agur Meabe idazleak berbaurrean dinoen lez. Emakume baten gaixotze mentala, ospitale psikiatriko batean sartzea eta osatze neketsua, gordin kontauta, eta tartan umorea erabiliz, azaldu ditu Alaine Agirrek Odol mamituak (Elkar) nobelan. Barikuan, hilak 17, liburua eta bertan agiri diran gaiak berbagai izango ditue egileak berak eta Gidor Bilbao EHUko Ikasketa Klasikoen irakasleak Bilbon, Elkar aretoan, 18:30ean.
2014ko CAF-Elhuyar sarietara lanak aurkezteko epea zabalik dago
2014-10-14 14:37
Zezeilaren 12ra arte bialdu daitekez beharrak CAF enpreseak eta Elhuyar Fundazinoak antolatutako 2014ko CAF-Elhuyar sarietara. Hiru kategoria dagoz, dibulgazino artikuluak, zientzia kazetaritzea eta zientzia gizartean sorkuntza bekea. Elhuyarren egoitzara edo cafelhuyarsariak@elhuyar.com helbide elektronikoan jasoko ditue lanak.
15 herrialdetako 111 joko ikusgai V. hóPLAY Lehiaketan
2014-10-14 14:32 kulturbiz
Zemendiaren 27tik abenduaren 3ra izango da V. HóPLAY, Bideo-joko Independenteen Nazinoarteko Lehiaketea, sektorearen ezinbesteko hitzordua. Lehiaketa honen helburu nagusia bideo-joko independenteen produkzinoak sustatzea da, euren originaltasuna, sormena eta barrikuntzea balore bereizgarriak izanik.Azaroaren 27tik abenduaren 3ra, AlhóndigaBilbaon egingo da Nazioarteko Bideo-joko Independenteen Lehiaketaren bosgarren edizioa
New Yorken grabautako 'Jainko Txiki eta Jostalari Hura' dokumentala aurkeztuko dabe Bilbon urriaren 22an
2014-10-14 11:27 Barriak
Kirmen Uribek, Mikel Urdangarinek, Rafa Ruedak eta Bingen Mendizabalek 2013ko amaieran kaleratutako Jainko Txiki eta Jostalari Hura disko-liburuan oinarrituriko izenburu bereko dokumentala aurkeztuko dabe urriaren 22an, Bilboko Campos Eliseos Antzokian. New Yorken egindako bira poetiko-musikalaren barri dakar dokumentalak.
Leire Bilbao idazlea nazinoarteko itzulpengintzan mintegi baten parte hartzen dabil egunotan, Galizian
2014-10-14 10:57 Kulturea
Egunotan, urriaren 19a bitartean, Con barqueira e remador poesia itzulpengintzearen inguruko nazinoarteko tailerra egiten dabilz San Simon ugartean, Vigo errekan. Leire Bilbao idazle ondarroarra mintegian parte hartzen dabil, beste 6 poesia egilegaz batera.
Shinichi Watanabe anime zuzendari japoniarrak Getxoko Manga Azokan parte hartuko dau
2014-10-14 10:44 Kulturea
Shinichi Watanabe anime zuzendari ezaguna egongo da zemendiaren 15ean eta 16an Areetako Geltokia plazan egingo dan Getxoko Manga Azokan. Zuzendari eta bikoizketa aktore japoniarra Excel Saga edo Puni Puni Poemi sailakaitik ezaguna da eta azokan izango diran zenbait jardueratan parte hartuko dau.
Lourdes Oñederrak euskerearen estandarizazinoa jorratuko dau mintegi batean, Osloko Unibersidadean
2014-10-13 15:42 Euskerea berbagai
Lourdes Oñederra hizkuntzalari eta euskaltzainak berbaldi bat emongo dau Osloko Unibersidadean, gaur eta martitzenean, urriaren 13an eta 14an, Language Planning - Theory and Practice in Dialogue (Hizkuntzearen planifikazinoa - Teoria eta praktika) izenburupean egingo dan mintegian.
Felipe Zelaietak Elosun irabazi ostean erabagita geratu da 2015eko Arabako Bertsolari Txapelketarako bertsolari zerrendea
2014-10-13 14:38 Bertsolaritzea
Danetara, 18 bertsolari izango dira. 2015eko Arabako Bertsolari Txapelketea urtarrilaren 17an aurkeztuko da, eta finala martiaren 21ean jokatuko da, Gasteizko Printzipal Antzokian.
Julian Barnes idazleak jaso dau V. Bilboko Barrea-BBk Saria
2014-10-13 13:02 sariak-autortzak
Tom Sharpek, Francisco Ibañezek, Ismail Kadarek eta Robert Crumbek jaso eben saria aurreko edizinoetan, eta 2014ko honetan Julian Barnes idazle britainiarrak eskuratu dau Bilboko Barrea-BBk Saria. Bilboko Barrea jaialdia urriaren 2tik 12ra bitartean egin da Bilbon.
V. Zinexitek indarkeria mueta desbardinez eta horreen ondorioak gainditzeko moduez gogoetea egiteko konbita dakar
2014-10-13 12:02 Barriak
Aurten be, zinemeak, Giza Eskubideen urraketa larrien ondorioei buruz eta ondorio horreek gaindituz bizikidetzea eregiteko moduen ganean gogoeta egitea ahalbidetzen dauen bide egokia dala frogatu dau, Eusko Jaurlaritzako Biktimen eta Giza Eskubideen Zuzendaritzeak Bilboko Alondigako Golem zinemetan, urriaren 13tik 16ra bitartean, antolatu dauen Zinexit erakusketeari esker.
Sarrera behar da? Aurretik erosi behar da?
»» 'Erbestez erbeste', bertso saio literarioa