Agendea - bizkaie.biz

'Anónima'. TXUSPO POYO.

2026/02/19 - 2026/05/17

Bilboko Azkuna Zentroan. |Erakusketak

Ezkerretik eskumara: Álvaro de los Ángeles, erakusketearen komisarioa; Txuspo Poyo artistea eta
Txomin Olabarri, Azkuna Zentroko zuzendari nagusia.

Zezeilaren 19an, arratsaldeko 18:00etan, artistearen eta komisarioaren arteko barriketaldia.

Erakusketea arratsaldeko 19:00retan zabalduko dabe. Martitzenetik domekara, goizeko 11:00etatik 20:00etara egongo da zabalik.

Txuspo Poyo (Altsasu, Nafarroa, 1963)

Txuspo Poyo eta Alvaro de los Ángeles Anonima erakusketearen aurkezpenean.

Artisteak bere ibilbidean barrena osotutako corpus artistikoak lengoaia eta baliabide askotarikoak buztartzen ditu, besteak beste, zinemea, bideoa, argazkia eta instalazinoa. Horreen bidez, kultura, teknologia eta politikearen arteko alkarguneak aztertzen ditu. Haren lanean, askotan, dudan jarten ditu errealidadearen eta fikzinoaren, zientziaren eta mitologiaren, joandako denporen eta orainaren arteko mugak, eta sortzen dauen narratiba bisualak gogoetea piztu nahi dau aginpideak, eratorritako kontrol-mekanismoek eta historia garaikideak sortzen dituen loturei buruz.

Anónima izenburuak oinordetzan jasotako herri-jakintzeari egiten deutso erreferentzia eta erakusketa monografiko honek Txuspo Poyok 1990eko hamarkadatik gaurdaino egindako proiektu artistiko gehienak batzen ditu.

'Ipar-Hegora'. LEO BURGE.

2026/02/20 - 2026/04/26

Bilboko BilbaoArteko Uribitarte 40 Aretoan (Uribitarte pasealekua, 40. 48009 Bilbo). |Erakusketak

Erakusketan Burgek 2023 eta 2025 urte artean egindako lanak dagoz. 2024-25ean bekea eskuratu eban BilbaoArteren estudio eta guzti eta, ondoren, Otxarkoagako estudioetan ibili zan lanean.

Proiektua osotzeko, bisita gidatuak egingo dira euskeraz (martiaren 4an) eta gaztelaniaz (martiaren 18an), zeinu-hizkuntzara egokituta, eta erakusketeari buruzko liburu bat aurkeztuko da (martiaren 26an).

Bisita gidatua artisteagaz

Zezeilak 20, barikua, 18:00etan.

Inaugurazinoa eta aurkezpen publikoa

Zezeilak 20, arratsaldeko 19:00retatik 21:00etara. Doban.

Bisita gidatuak

Espainiako Zeinu Mintzaireagaz eta mintzatua

Martiak 4, eguaztena (euskeraz), 19:00retan.

Martiak 18, eguaztena (gaztelaniaz), 19:00retan.

Liburuaren aurkezpena (martiak 26, eguena, 19:00retan)

Leo Burge artisteagaz eta Jaime Asua argazkilari, zinemagile eta diseinatzaile grafikoagaz.

Katalogoan KAMC Koganecho, Ethall galeria eta Atoin ikusgai izandako urtebeteko lana laburbatzen da, eta aurreko batzuk be batzen dira; esate baterako, Carreras-Mugican eta Jorge Lopezen egindako erakusketak edo BilbaoArteko egoitzan produzidutakoak. Gainera, Ipar-Hegora erakusketarako egindako konpilazino barriak dokumentauko dira izenburu beragaz

Gutun Zuria, Letren Nazinoarteko Jaialdia 2026.

2026/02/24 - 2026/02/28

Bilboko Azkuna Zentroan. |Jaialdiak

New York & Flamenco.

2026/02/25 - 2026/03/15

New Yorken. |Jantzea

Informazino gehiago hemen.

'Begirada disidente bat'. JUANA CIMA.

2026/02/28 - 2026/08/30

Bilboko Azkuna Zentroan. |Erakusketak

Begirada disidente bat erakusketeagaz bizi-jarrera batera hurbiltzea proponiduten da. Karibeko gomutea, Euskal Herrian jasotako prestakuntza eta espiritualtasun esploratzailea buztartzen dituan ibilbideaz gan, hirurogeita hamarreko hamarkadearen amaieratik, nortasunari, ekologiari eta generoari buruzko oinarrizko eztabaidak aurreikusten dituana. Juana Fernández Cima (Caibarién, Kuba, 1951) ahots berezi bategaz agertzen jaku, sarritan arau heteropatriarkalaren ertzetatik jardunez, disidentzia erradikal eta poetikoko uniberso estetikoak ereginez, sorkuntza eta bizitea batuz, banaezin bihurtu arte.

Ikusgarritasun publiko handieneko aldian (1977-1997), haren lanak bilduma instituzionaletan sartu ziran ,besteak beste, Eusko Jaurlaritza, Bizkaiko Foru Aldundia eta Gasteizko Udalarenetan. Halan da be, askatasun formalak, arlo afektiboko zintzotasunak eta identidadearen azterketan kontzesinorik ezak kanon kritiko eta museistiko nagusiaren bazterrean kokatu eben. Erakusketa-zirkuitutik —ez, ostera, produkzinotik— nahita erretirau ondoren, haren obrea narratiba hegemonikotik kanpo geratu zan. Erakusketa honek bakotasun hori agirian ixtea, haren ekarpenaren garrantzia aldarrikatzea eta eztabaida garaikidean dauen lekura itzularazotea du helburu.

Erakusketea Garazi Ansa historialariak (Oiartzun, 1989) komisariau dau.

'Nicholas Nixon'.

2026/03/02 - 2026/06/28

Bilboko Rekalde Aretoan (Alameda de Recalde, 30). |Erakusketak

Fundación Mapfrek produzidutako erakusketea Rekalde Aretoagaz alkarlanean.

Erretratua: J.A., E.A., Dorchester, Massachusetts, 2001 Colecciones Fundación Mapfre Bildumak © Nicholas Nixon.

'Garitaonandia'tar Bitorri. 150 Urte. Bitor Garitaonandia, Bizitza, Obra, Memoria',

2026/03/05 - 2026/03/15

Zaldibarreko Liburutegi zaharrean. |Erakusketak

'Iniciacion a la encuadernacion'.

2026/03/05 - 2026/04/23

Bilboko Foru Liburutegian. |Ikastaroak

Informazino gehiago eta egitaraua hemen.

XV. Musika-Musica.

2026/03/06 - 2026/03/08

Bilboko Arriaga Antzokian eta Euskalduna Jauregian. |Musikea

Erosi sarrerak hemen (Zezeilaren 12tik aurrera).

29. Malagako Festibala.

2026/03/06 - 2026/03/15

Malagan. |Ikus-entzunezkoak

Informazino gehiago eta egitaraua hemen.

XII. Loraldia Festibala

2026/03/09 - 2026/03/28

Bilbon. |Musikea

Sarrerak hemen.

'Carne y Arena'. Alejandro González Iñarritu

2026/03/11 - 2026/06/20

EITBren egoitzako 5. platoan (Bilbo). |Erakusketak

Aitzealdenk! Fest 2026

2026/03/13 - 2026/03/15

Azpeitiako Sanagustin Kulturgunean. |Musikea

Hiru egunez, zazpi talde pasauko dira Sanagustin Kulturguneko oholtzatik. Aurton be, Kulturaz Kultur Kooperatibak Ayuken Management alkarteagaz batera atondu dau egitaraua.