Shahzia Sikander artista pakistandarraren 'Paralajea' obrea ipini dabe Guggenheim museoan
2015-07-17 11:06 Kulturea
Indopertsiar tradizinoan ohikoak diran miniatura erako margolanetan oinarrituta, artelanak egiten ditu Sikanderrek, gaur eguneko historia aztertu, deseraiki eta kritiketako. New Yorken bizi dan artista pakistandarraren lana lehenengoz ikusi ahal izango da Bilbon, Guggenheim Museoak ekarri dauen instalazinoari esker. 2013an sortutako Paralajea instalazinoan, modu digitalean animautako ehundazak marrazki eta gouache batu ditu Shahzia Sikanderrek. Zemendiaren 22ra arte egongo da ikusgai.
Astegoienean hasiko dira Omako Basoa ezagutzeko bisita gidatuak
2015-07-17 10:51
Bizkaiko Foru Aldundiak egunotan aurkeztu dau Omako Basoko bisita gidatuen kanpainea: barikuan hasiko dira bisitak, garagarrilaren 17an, eta irailaren 16ra arte egongo da aukerea. Ibilalditxuetan bisitariek Agustin Ibarrolaren hiru dimensinoko lana interpretetako modua izango dabe gidari baten bitartez.
Eduardo Gruber artistearen 'Utopia' erakusketea zabalduko dau Bilboko Rekalde Aretoak
2015-07-16 14:11 Kulturea
Bizkaiko Foru Aldundiaren Bilboko Rekalde Aretoak Utopia izenburuko erakusketea antolatu dau, garagarrilaren 16tik urriaren 13ra arte ikusgai egongo dana. Gaur egungo artistarik garrantzitsuenetako bat dan Eduardo Gruber Gamechogoicoecheak egindako formatu handiko marrazkiek osotzen dabe erakusketa hau.
Zinebiren eskutik, abian da Zinergentziak proiektuaren bigarren film kolektiboa
2015-07-16 12:20 Zinemea
Oraingo honetan lau izan dira film kolektiboa egiteko konbita jaso daben zinemagile gazteak: Maddi Barber, Jesus Mari Palacios, Cristina Ezquerra eta Aitor Gametxo. Zinergentziak zenbait artistaren alde egindako apustua da, gehienak oso gazteak, baina aurretik be ikus-entzunezko lanetan ibilitakoak.
EH Bildu lehenengo alderdia izan da Gasteizko Legebiltzarrean Bai Euskarari Ziurtagiria eskuratzen
2015-07-16 11:32 Euskerea berbagai
Estitxu Breñas eta Xabier Isasi legebiltzarkideek koordinau dabe urtebete inguru iraun dauen Bai Euskarari Ziurtagiriaren prozesu osoa. Biek azaldu dabe asko ikasi dabela egindako lan guztiaz eta zeozelan, beharrezkoa zan diagnostikoa be egin dala, ahulguneak identifikau eta bide egokian jarraitzeko.
Davina & The Vagabonds taldearen eskutik hasiko da gaur Getxoko 27. Nazinoarteko Blues Jaialdia
2015-07-16 11:09 Musikea
Getxoko 27. Nazinoarteko Blues Jaialdia gaur, garagarrilak 16, abiatuko da Davina & The Vagabonds taldearen eskutik. New Orleanseko klasikoak, soul eta gospel doinuak eta Chicagoko bluesaren doinuak buztartuko ditu bandeak Algortako Bihotz Alai plazan, 21:00etatik aurrera. Jaialdiaren hurrengo bi egunetan Maceo Parker eta Eric Sardinas jardungo dira, hurranez hurran.
'Urdaibaiko Organoak' XII. kontzertu zikloak Axpe-Busturiako organoaren 250 . urteurrena ospatuko dau
2015-07-15 15:37 Musikea
Musikazaleek organo honen soinu apartekoaz gozetako aukerea izango dabe garagarrilaren 24an, barikuan, 20:00etan, Luc Paganonek eskainiko dauen kontzertuan eta abuztuaren 21ean be, 250. urteurrena ospatzeko kontzertu berezian, mundakako organojolea dan Benantzi Bilbaoren eskutik.
Aranzadik bolondresak eskatu ditu Lekeitioko Garraitz islan egingo dan auzolanerako
2015-07-15 15:01 kulturbiz
Aranzadi Zientzia Alkarteak auzolana egingo dau zapatu honetan, garagarrilaren 18an, Lekeitioko Garraitz islako landaretzeak ezkutatzen dituan eraikinak garbitzeko, eta deialdia egin dau nahi daben guztiek hurreratu eta garbiketa horreetan lagundu deien. Hitzordua 10:00etan izango da, Malekoian, eta, itsasaldiak dirala-eta, 16:00etan amaituko da auzolana.
300 ekitaldi baino gehiago Bilboko Aste Nagusian
2015-07-15 11:24 Kulturea
Normalean baino astebete geroago hasiko da aurten Bilboko Aste Nagusia 2015, abuztuaren 22an, hain zuzen be. Hortik aurrera, hilaren 30era arte 300 ekitaldi baino gehiago iragarri ditue eta horreen guztien ardatzak kalidadea, bardintasuna, parte hartzea eta dobakotasuna izango dira Itziar Urtasun Kultura zinegotziaren esanetan.
Bilbo mundu mailako xakearen uriburu
2015-07-15 10:32 Kulturea
Pasa dan urtean Bilbao Chess 2014k Maisuen Finala eta Kluben Europako Kopea bateratu bazituan, aurten Bilbao Chess 2015ek egun eta eskenatoki berean batuko ditu VII. Maisuen Finala eta Iberoamerikako VI. Banakako Xake Lehiaketea.
Euskal Irudigileen Alkarte Profesionalak zortzi irudigilerentzako bekak eskainiko ditu
2015-07-14 16:31 kulturbiz
Euskal Irudigileen Alkarte Profesionalak zortzi irudigilerentzako beken deialdia iragarri dau, BilbaoArten urriaren 15ean eta 16an eskainiko dan Collage as a medium, a design tool and a way of life (Collagea baliabide, diseinu tresna eta bizimodu legez) mintegi teoriko eta praktikoan parte hartzeko, Ellen Weinstein New Yorkeko ilustratzaileagaz
Lekeitiokale gogoan,' kale-artea mundua eraldatzeko tresnea'
2015-07-14 15:08 Kulturea
Inoiz baino jente gehiago batu da Lekeition kale-artearen inguruan. 26.000 ikuslek emozino gosez bete zituen Lekeitioko kaleak eta plazak eta 26. edizino honek arrakasta handia batu dau. Hamaika zirrara, hamaika esperientzia... bizitearen grupilean. Mundua eraldatzeko tresna da kaleko artea.
Gasteizko 39. Jazzaldian Chick Corea eta Herbie Hancock izango dira izarrak
2015-07-14 14:20 Musikea
Garagarrilaren 14tik 18ra izango dan XXIX. Gasteizko Jazzaldiak Chick Corea & Herbie Hancock bikotearen emonaldia eskainiko dau datorren zapatuan, garagarrilaren 18an.
XXIII. Euskal Encounterrek segundoko 40 giga eskainiko ditu, konekzino abiadurea bikoiztuta
2015-07-14 11:57
XXIII. Euskal Encounter informatika eta bideojoko zaleen topaketea garagarrilaren 23tik 26ra bitartean izango da Barakaldoko Bilbao Exhibition Centre (BEC) erakusketa gunean, eta, Euskaltelen teknologiari esker, Interneteko konekzino abiadurea bikoiztu eta erabiltzaileek segundoko 40 giga izango ditue.
Antxinateko Egiptoko persona-izen eta izen mitologikoak arautu ditu Euskaltzaindiak
2015-07-14 11:00 Euskerea berbagai
Euskeraz zelan idatzi, adibidez, gaztelaniaz Hatshepsut, frantsesez Hatchepsout eta ingelesez Hatshepsut edo Hatchepsut idazten dan erregina ospetsuaren izena? Edo piramideagaitik hain ezaguna dan faraoiaren izena, baldin eta gaztelaniaz Keops eta Jufu, frantsesez Khéops eta Koufou eta ingelesez Cheops eta Khufu idazten bada?
Hemen da Bakioko XXIX. Musika Astea
2015-07-14 10:33 Musikea
Bakioko Udalak, Bakioko Abesbatzak eta Bizkaiko Foru Aldundiak Bakioko XXIX. Musika Astea antolatu dabe. Garagarrilaren 14tik 17ra, Andra Mari Parrokian lau kontzertu izango dira, 20:00etan. Sarrerea dobakoa izango da.
'Euskaraz bizi nahi dut' film labur lehiaketearen epai-mahaia osotu da
2015-07-13 16:03 Barriak
Kontseiluak Donostia Zinemaldiaren kolaborazinoagaz antolatutako Euskaraz bizi nahi dut film labur lehiaketearen laugarren edizinoak dagoeneko badauka epai-mahaia. Donostia Zinemaldiko zuzendaritzako kide Maialen Beloki eta Kontseiluko idazkari nagusi Paul Bilbaogaz batera Jon Garaño zuzendari, gidoilari eta produktoreak osotuko dabe aurten epai-mahaia.
Bilbo Hiria Pop Rock Lehiaketeak 27. edizinoan parte hartuko daben 38 taldeak aukeratu ditu
2015-07-13 14:23 Musikea
Danetara, 643 taldek emon dabe izena lehiaketan parte hartzeko, aurreko edizinoan baino % 4 gehiago, gitxi gorabehera. Lehiaketearen modalidade guztietan egin dabe gora inskripzinoek. Kontzertuak irailean, urrian eta zemendian izango dira.
Bermeoko XV. Gorefest Jaialdia garagarrilaren 17an izango da
2015-07-13 12:32 Zinemea
Zinemearen alde ilunena gustuko dabenek hitzordu garrantzitsua izango dabe garagarrilaren 17an, barikuan, Bermeon, izan be, Postapokalipsia lemapean bertan izango da Gorefest, Bermeoko Fantasiazko eta Bildurrezko Zinemaldiaren 15. edizinoa.
Omar Xarif aktorea joan jaku astegoienean
2015-07-13 11:23 Barriak
Bihotzekoak jota hil da Omar Xarif (Egipto, 1932) 83 urte zituala. Alejandrían jaio zan 1932, Michel Demitri Chalhoub izenagaz eta 1954. urtean hasi zan zinema munduan, Shaytan al-Sahra izeneko filman. Hurrengo urtean Youssef Chahine lagun egipziarragaz lan egin eban Canneseko zinemaldira eroan eben Siraa Fil-Wadi filman. Aitagarria sei bat urteko tartean 18 filmetan parte hartu ebala.
Sarrera behar da? Aurretik erosi behar da?
»» 'Erbestez erbeste', bertso saio literarioa