Kontsumitzailearen Eskubideen Nazinoarteko Eguna da gaur

| Ikusi handiago | Argazki originala

Gaur, martiak 15, Kontsumitzailearen Eskubideen Nazinoarteko Eguna da eta, horren harian, Euskal Herriko Kontsumitzaileen Alkarteak kontsumitzaileen oinarrizko eskubideak eta eginbeharrak gogora ekarri gura ditu:

Kontsumitzailearen eskubideak

- Oinarrizko beharrak asetzea. Bizitzarako oinarrizkoak diran ondasun eta zerbitzuak eukiteko eskubidea.
- Osasun eta segurtasunaren babesa. Bizitzarako arriskutsuak edo kaltegarriak diran produktuen kontra babesteko eskubidea.
- Interes ekonomiko eta sozialen babesa. Kontsumitzailea babesteko legeek dinoen legez.
- Informazinoa. Eskaitzen jakozan produktu eta zerbitzuei buruz informazino osoa eta benetakoa jasoteko eskubidea.
- Hezkuntzea eta norabidea. Kontsumitzaile arduratsua izateko informazinoa eta hezkuntzea eukiteko eskubidea.
-Aukera librea. Merkaduaren produktuen artean presinorik barik aukeratzeko eskubidea.
- Konponketea edo kalteordaina. Produktu bat akastuna danean edo kontsumitzailearen interesak kaltetzen dituanean, konponketea edo neurriko kalteordaina jasoteko eskubidea.
- Antolakuntza eta aintzat hartzea. Gizartean aintzat hartzen diran kontsumitzaileen alkarteatan parte hartzeko eskubidea.
- Gitxiagotasun, menpekotasun edo defentsarik ezaren kontrako babesa.
- Ingurune garbia. Kutsadurarik bako ingurune batean lan egin eta biziteko eskubidea.

Kontsumitzailearen eginbeharrak

- Kontzientzia kritikoa. Kontsumitzaileak adi egon behar dau eta produktu zein zerbitzuen kalidadea aztertu.
- Norbanakoaren ekimena. Kontsumitzaileak bere buruaren lehen defendatzailea izan behar dau eta edozein bidebakokeria salatu.
- Giza ardurea. Kontsumitzaileak besteak kontuan izan behar ditu edozein ekintzatan. Iruzurra onartzean (fakturea ez eskatzea, berbarako), besteei kalte egiten deutse.
- Ingurugiroaz arduratu. Kontsumitzaileak ingurugiroa ez zinkintzeko betebeharra dau, naturea errespetatuz eta haren baliabideak zainduz.
- Alkartasuna. Kontsumitzaileak kontsumitzaileen defentsarako alkarteetan parte hartu beharko leuke, alkarteon lana indartzeko.