Alberto Surio izentau dabe EiTBko zuzendari

Azken 20 urteotan El Diario Vasco egunkariko politika saileko kazetari lanetan izan dan Alberto Surio donostiarrak EITBko zuzendari kargua beteko dau aurrerantzean. Legebiltzarrean, PSE, PP eta UPD alderdien aldeko 39 boto izan ditu. EAJ, EA eta EB abstenidu egin dira (29 boto) eta Aralarrek kontrako botua emon eban (lau boto).

Agintari barriak 'EITB kalidadeko zerbitzu publikoa izateko konpromisoa' hartu dau, 'aniztasunaren, balore demokratikoen, bakearen eta alkarbizitzaren aldekoa'.

Surio Radio Euskadi eta Punto Radio irratietako esataria be izan da. Era berean, ETB, Cuatro, TVE eta Teledonosti telebista kateetan parte hartu dau.