UEUk argitaratutako liburu barrien aurkezpena

Udako Euskal Unibersidadeak argitaratu dituan liburu barrien aurkezpena martiaren 15ean egingo da, UEUren Bilboko egoitzan. ‘Ikus-entzunezko itzulpena’, ‘Softwarearen Ingeniaritzea’, ‘Amatasuna eta aitatasuna’, ‘Modernidade kapitalisteari kritikea’ eta ‘Maldetan sagarrak’ dira UEUren argitalpen barriak.

UEUren arlo garrantzitsuenetariko bat unibersidade-mailako testugintzan lan egitea da. ‘Oraindino, esparru honetan, hutsune handiak dagoz’, dinoe ordezkariek, ‘eta horreek beteten ahalegintzen da UEU’.

Horregaz batera, unibersidade mailako euskerazko testugintzearen egoerea azalduko dabe UEUko ordezkariek, ‘erronka asko dagozalako testugintzearen atal honetan’.

Ekitaldia goizeko hamaiketan hasiko da, UEUren Bilboko egoitzan, eta bertan izango dira Lore Erriondo UEUko zuzendaria, Xabier Isasi UEUko argitalpen arduraduna eta liburuen egileetako batzuk.