Patxi Zubizarretak irabazi dau Euskadi Literatura Saria euskerazko haur eta gazte literaturako kategorian

| Ikusi handiago | Argazki originala

Patxi Zubizarreta idazle ordiziarrak irabazi dau Euskadi Literatura Saria euskerazko haur eta gazte literaturako kategorian, Xia Tenzinen bidaia miresgarria eleberriari esker.

Patxi Zubizarretaren biografia eta lanak.

Bestalde, gaztelaniazko haur eta gazte literaturako kategoriako saria emon barik geratu da, epaimahaiaren arabera, 'aurkezturiko lan batek be ez dauelako kalidade baldintzarik bete'.

Euskerazko itzulpengintzako kategoriari jagokionez, saria Jesus Mari Mendizabal Iraola ormaiztegiarrak irabazi dau, Horacio Quirogak idatziriko Eguzki kolpea lanaren itzulpenagaitik.

Era berean, ilustrazinorik onenaren Euskadi Saria Jokin Mitxelenak jasoko dau, Ipuin-kontalariaren lapikoa obran eginiko marrazkiakaitik. Bestalde, saiakera onenak Joxe Azurmendi Otaegiren Azken egunak Gandiagarekin eta Miguel Sanchez-Ostiz Gutierrezen Sin tiempo que perder izan dira.

Euskadi Literatura Sarien irabazle guztiek 18.000na euroko diru-saria eroango dabe, eta beste 4.000na euro jasoko dabe euren lanak beste hizkuntzetan argitaratzen badira.