Agendea

'Ipar-Hegora'. LEO BURGE.

2026/02/20 - 2026/04/26

Bilboko BilbaoArteko Uribitarte 40 Aretoan (Uribitarte pasealekua, 40. 48009 Bilbo). |Erakusketak

Erakusketan Burgek 2023 eta 2025 urte artean egindako lanak dagoz. 2024-25ean bekea eskuratu eban BilbaoArteren estudio eta guzti eta, ondoren, Otxarkoagako estudioetan ibili zan lanean.

Proiektua osotzeko, bisita gidatuak egingo dira euskeraz (martiaren 4an) eta gaztelaniaz (martiaren 18an), zeinu-hizkuntzara egokituta, eta erakusketeari buruzko liburu bat aurkeztuko da (martiaren 26an).

Bisita gidatua artisteagaz

Zezeilak 20, barikua, 18:00etan.

Inaugurazinoa eta aurkezpen publikoa

Zezeilak 20, arratsaldeko 19:00retatik 21:00etara. Doban.

Bisita gidatuak

Espainiako Zeinu Mintzaireagaz eta mintzatua

Martiak 4, eguaztena (euskeraz), 19:00retan.

Martiak 18, eguaztena (gaztelaniaz), 19:00retan.

Liburuaren aurkezpena (martiak 26, eguena, 19:00retan)

Leo Burge artisteagaz eta Jaime Asua argazkilari, zinemagile eta diseinatzaile grafikoagaz.

Katalogoan KAMC Koganecho, Ethall galeria eta Atoin ikusgai izandako urtebeteko lana laburbatzen da, eta aurreko batzuk be batzen dira; esate baterako, Carreras-Mugican eta Jorge Lopezen egindako erakusketak edo BilbaoArteko egoitzan produzidutakoak. Gainera, Ipar-Hegora erakusketarako egindako konpilazino barriak dokumentauko dira izenburu beragaz

'Begirada disidente bat'. JUANA CIMA.

2026/02/28 - 2026/08/30

Bilboko Azkuna Zentroan. |Erakusketak

Begirada disidente bat erakusketeagaz bizi-jarrera batera hurbiltzea proponiduten da. Karibeko gomutea, Euskal Herrian jasotako prestakuntza eta espiritualtasun esploratzailea buztartzen dituan ibilbideaz gan, hirurogeita hamarreko hamarkadearen amaieratik, nortasunari, ekologiari eta generoari buruzko oinarrizko eztabaidak aurreikusten dituana. Juana Fernández Cima (Caibarién, Kuba, 1951) ahots berezi bategaz agertzen jaku, sarritan arau heteropatriarkalaren ertzetatik jardunez, disidentzia erradikal eta poetikoko uniberso estetikoak ereginez, sorkuntza eta bizitea batuz, banaezin bihurtu arte.

Ikusgarritasun publiko handieneko aldian (1977-1997), haren lanak bilduma instituzionaletan sartu ziran ,besteak beste, Eusko Jaurlaritza, Bizkaiko Foru Aldundia eta Gasteizko Udalarenetan. Halan da be, askatasun formalak, arlo afektiboko zintzotasunak eta identidadearen azterketan kontzesinorik ezak kanon kritiko eta museistiko nagusiaren bazterrean kokatu eben. Erakusketa-zirkuitutik —ez, ostera, produkzinotik— nahita erretirau ondoren, haren obrea narratiba hegemonikotik kanpo geratu zan. Erakusketa honek bakotasun hori agirian ixtea, haren ekarpenaren garrantzia aldarrikatzea eta eztabaida garaikidean dauen lekura itzularazotea du helburu.

Erakusketea Garazi Ansa historialariak (Oiartzun, 1989) komisariau dau.

'Nicholas Nixon'.

2026/03/02 - 2026/06/28

Bilboko Rekalde Aretoan (Alameda de Recalde, 30). |Erakusketak

Fundación Mapfrek produzidutako erakusketea Rekalde Aretoagaz alkarlanean.

Erretratua: J.A., E.A., Dorchester, Massachusetts, 2001 Colecciones Fundación Mapfre Bildumak © Nicholas Nixon.

'Kameratik orratzera. De la cámara a la aguja'.

2026/03/03 - 2026/06/28

Gernikako Euskal Herria Museoan. |Erakusketak

Informazino gehiago hemen.

'Eskultoreak Hemen Orain - Escultoras Aqui Ahora'.

2026/03/03 - 2026/04/24

Bilbon, Bizkaiko Batzar Nagusietako erakusketa aretoan. |Erakusketak

'Iniciacion a la encuadernacion'.

2026/03/05 - 2026/04/23

Bilboko Foru Liburutegian. |Ikastaroak

Informazino gehiago eta egitaraua hemen.

Errekaldeko XIV. Umorezko Antzerki Erakustaldia.

2026/03/06 - 2026/03/27

Bilbon, Errekaldeko Udaltegian (Travesia Altube, 6). |Jaialdiak

XII. Loraldia Festibala

2026/03/09 - 2026/03/28

Bilbon. |Musikea

Sarrerak hemen.

'Carne y Arena'. Alejandro González Iñarritu

2026/03/11 - 2026/06/20

EITBren egoitzako 5. platoan (Bilbo). |Erakusketak

Sarrerak hemen.

'El Despertar de Primavera'.

2026/03/13 - 2026/04/05

Bilboko Pabellon 6 Aretoan. |Antzerkia

Frank Wedekinden testua etorkizun hurbilera lekualdatzen da eta etorkizun horretan boterean finkatzea lortu dabe Europan eta AEBetan berpiztutako eskuin muturreko korronteek. Gizarte teknologikoa gero eta errepresino moral, sozial eta sexual handiagoagaz bizi da. XX. mendearen aurrerapena eragin eben eskubideek —adierazpen-askatasuna, feminismoa, sexu-hezkuntzea, aniztasuna, gizabanakoaren autonomia— gainbehera egin dabe, ordenaren, tradizinoaren eta segurtasunaren izenean. Testuinguru distopiko horretan, obreak gaurkotasun kezkagarri batez erakusten ditu pentsamendu librea zentsuretearen, nerabezaroa isilarazotearen eta desira kriminalizetearen ondorio suntsitzaileak.

Erosi sarrerak hemen.

23. Bidaiarien Txokoa programea

2026/03/18 - 2026/03/27

Begoñako eta Santutxuko Udaltegietan. |Jardunaldiak

'Emakumeak (ere) margolari'.

2026/03/20 - 2026/04/06

Leioako Kultur Aretoan. |Erakusketak

Kultur Leioako pintura tailerreko emakumeen erakusketa kolektiboa.

Doban.

Ordutegia: Astelehenetik barikura 10:00etatik 20:00etara. Zapatu eta domeketan, 10:30etik 14:00etara eta
16:00etatik 20:00etara.

Mungiako Liburu Azokea

2026/03/20 - 2026/03/29

Mungiako Matxin Plazan. |Azokak

Programautako jardueren artean, Karmele Jaiok Harrizko bihotza liburua aurkeztuko dau eta Mikel Santiagok, barriz, Thriller, musika eta bigarren mailako errepideak izeneko aurkezpen literarioa eskainiko dau.

Horrezaz gan, Literatura de la guerra: 1936-2026 erakusketea be iragarri dabe.

Azokearen ordutegia goizeko 11:00etatik 14:00etara eta arratsaldeko 17:00etatik 20:30era izango da.