Maiatzak 24
'Bermeo, Bizkaiko Burua, Erdi Aroan'
2023/12/13 - 2024/06/16
Bermeoko Arrantzaleen Museoan. |ErakusketakBermeori buruzko Behe Erdi Aroko dokumentuak izango ditu ikusgai erakusketak, hainbat artxibotatik ekarriak, eta aukera emango digu testuinguru jakin horretan kokatzeko Erdi Aroko Bermeoren alderdi nagusiak.
Lehengo aldiz, uribilduari buruzko dokumentu nagusietariko batzuk ikusi ahal izango dira Bermeon, pergaminoetan aurkeztuta. Horrezaz gan, erakusketan izango diran paneletako testu eta irudien bidez, aukerea izango da sasoi haretan Bermeok izan eban bilakaera historikoa ikusteko eta gure herriaren historian gitxi aztertu dan garai baten barri izateko.
Erakusketeagaz batera, beste jarduera batzuk be egingo dira. Jarduera guztiak doban izango dira.
Informazino gehiago hemen.
'Edonor denok inor ez. Euskal Herriko arte-hezkuntza instituzionalizatzeko prozesuak, 1978- 1991'
2024/02/02 - 2024/09/01
Gasteizeko Artium Museoan. |ErakusketakErakusketa hau 2022an museoan aurkeztutako Pentsatzeko leku bat. Arte-eskola eta praktika esperimentalak Euskal Herrian, 1957-1979 erakusketa-proiektuaren jarraipen legez planteau da.
1978tik 90eko hamarkadako lehen urte bitarteko aldia jorratzen dau eta Euskadiko arte-hezkuntzearen instituzionalizazino-prozesuei erreparetan deutse.
- Zezeilaren 2tik irailaren 1era.
- Komisarioak: Mikel Onandia, Sergio Rubira eta Leire Vergara.
- Erretratua: Mikel Eskauriaza, Risveglio. Despertar en el museo, 1990 (1990-2018). Artium Museoaren bilduma. Artistearen adeitasunez.
Informazino gehiago hemen.
'The Artwork as a Living System'. CHRISTA SOMMERER & LAURENT MIGNONNEAU
2024/02/07 - 2024/05/26
Bilboko Azkuna Zentroan. |ErakusketakProiektuak artea eta naturea lotzen ditu proiektu birtual, sentikor eta interaktiboetan erabilten diran teknikarik barritzaileenakaz. Erakusketeak, 18 lanez osotua, horreetako asko instalazino interaktiboak, zientziaren eta teknologiaren arloei jagokezan kontzeptuak lotzen ditu, hau da, fisika kuantiko eta sistema konplexuen teoriatik hasi eta genetika molekular, nanozientzia eta bizitza artifizialeraino.
Informazino gehiago hemen.
'Néstor Basterretxea. Diseinua eta arkitektura'
2024/02/28 - 2024/05/26
Arte Ederren Bilboko Museoan. |ErakusketakAurten, XX. mendearen bigarren erdiko euskal artearen barritzaile nagusietakoa izandako Néstor Basterretxearen mendeurrena ospatuko da. Eskultore ezaguna da eta, horrezaz gan, diseinu industrialagaz eta arkitektureagaz lotutako proiektuak landu zituan.
Bilboko Museoak diziplina horreetan egindako ekarpenari buruzko lehen erakusketa monografikoa dakar eta, horretarako, ehun pieza baino gehiago batu ditu.
Komisarioak: Peio Agirre, Pedro Feduchi eta Pedro Reula.
'Kameratik orratzera'
2024/03/05 - 2024/07/07
La Encartada Fabrika Museoan. |ErakusketakInformazino gehiago hemen.
53. Gipuzkoako Hiru Txirlo Bolo Joko Txapelketea
2024/03/16 - 2024/06/01
Gipuzkoako hainbat herritan.Bolatokien kokapenak hemen
Klasikoak 2024
2024/04/05 - 2024/06/29
. |Ikus-entzunezkoakDonostia Zinemaldiak eta Euskadiko Filmategiak 50 film eta 120 proiekzino baino gehiago eskainiko ditue apiriletik irailera bitartean Klasikoak programearen bitartez: klasiko zaharrak zein modernoak izango dira ikusgai, pelikula ospetsuak zein ahaztutakoak. Klasikoak markeagaz batzen da zaharbarritutako hamabi filmez osotutako zikloa. Apiriletik bagilera bitartean, Euskadiko Filmategiak Klasikoak izenburupean atondu ditu emonaldiok Gasteizko Artium Museoan, Bilboko Bizkaia Aretoan eta Donostiako Tabakaleran, baita Iruñeko Golem eta Donibane Lohitzuneko Le Sélect zinema-aretoetan be.
XII. Poetak Maiatzean, Nazinoarteko Poesia Jaialdia
2024/05/03 - 2024/05/26
Gasteizen eta Arabako hainbat herritan. |JaialdiakInformazino gehiago hemen.
'Badakizu'. IRANTZU YALDEBERE
2024/05/03 - 2024/06/02
Bilbon, Uribitarte 40 Aretoan (Uribitarte Pasealekua, 40. 48009 Bilbo). |Erakusketak2024ko maiatzaren 3an, 19:00retan, Uribitarte 40 Aretoak ateak edegiko deutsoz urteko hirugarren bakarkako erakusketeari, 2023an ekoizpen zentroan egoiliarra izan zan Irantzu Yaldebereren lanagaz. Badakizu izenburupean, erakusketea bagilaren 2ra arte egongo da ikusgai.
Irantzu Yaldeberek (Bilbo, 1994) argazkigintzearen bidez bideratzen dau bere praktika artistikoa, estilo zuzen eta inprobisaduagaz, bere inguruan jazotako une galkor eta detaile sotilak jasoz istanteko argazkietan.
Badakizu erakusketeak segidea emoten deutso aurten bertan argitaratutako Badakizu zein ederra zaren? liburuari; artisteak 2015 eta 2023 artean egindako argazkiak erakusten baititu hor. Proiektu biotan diseinuak eta kontzeptualizinoak bat egin dabe denporan, eta hainbat forma hartu ditue espazio eta euskarri oso ezbardinetan, besteak beste, liburuaren dimensino bitan eta erakusketa areto honexek dituan hiru dimensinoetan.
