Eibarreko 35. Antzerki Jardunaldiak zezeilaren 17an abiatuko dira
2012-02-16 16:21 KultureaEibarreko 35. Antzerki Jardunaldiak zezeilaren 17an hasi, eta martiaren 31era bitartean egingo ditue. Urtero lez, giza-irudien erakustaldiak hasiko dau egitaraua Untzaga plazan eta Toribio Etxebarria kalean. Hasierako ekitaldia, ostera, hilaren 22an egingo dabe, Coliseo antzokian, Juan Carlos Rubio antzerkigilearen berbaldiagaz.
![](https://media.bzkcdn.com/argazkiak/IT/cache/s1462829818eibar-antzerki12_content.jpg)
Eibarreko 35. Antzerki Jardunaldiak zezeilaren 17an hasi, eta martiaren 31era bitartean egingo ditue. Urtero lez, giza-irudien erakustaldiak hasiko dau egitaraua Untzaga plazan eta Toribio Etxebarria kalean. Hasierako ekitaldia, ostera, hilaren 22an egingo dabe, Coliseo antzokian, Juan Carlos Rubio antzerkigilearen berbaldiagaz. Ekitaldi berean Narruzko Zezen antzerki-gidoi eta artikuluen lehiaketako irabazleen barri emongo dabe.
Antzerki-egitaraua zezeilaren 25ean abiatuko da, 20:30ean, Hezkuntza Esparruan. Txalo Produkzinoak taldeak Hil arte bizi antzezlana taularatuko dau. Euskerazko beste lan bi izango dira ikusgai Eibarren: Tanttaka, Albena eta Eme2 Prod taldeek sortutako Kafka eta panpin bidaiaria, martiaren 3an, Coliseo antzokian; eta, martiaren 31n, Tanttakak Ipar haizearen kontra aurkeztuko dau.
Publiko eta gustu guztietarako eskaintzea izango da Eibarreko 35. Antzerki Jardunaldietan. El Cansancio konpainiak La apoteosis necia lan komikoa ekarriko dau; Companhia do Chapitôk umore baltzezko Pero que no muere ladra taularatuko dau; Azar teatrok El juicio de Dayton estrenauko dau; eta, Pentación taldeak Querida Matide komedia eskainiko dau. Konpainia profesionalez gan, ametarurrak be izango dira jardunaldietan, besteak beste Armadanzas eta El Mayal. Egitarau zabala atondu dabe, hemen oso-osorik.
Zinemeak be izango dau protagonismoa Eibarreko jardualdietan, Antzerkia zineman egitarauaren barruan, hain zuzen be. Ondoko filmak proiektauko ditue Hezkuntza Esparruan: Das ende ist mein anfang (Jo Baier, 2010), Oscar et la dame rose (Eric-Emmanuel Schmitt, 2009), Melancholia (Lars von Trier, 2011) eta XII. Asier Errasti Laburmetraia Jaialdiko film laburrak.
Erantzun
Erantzuteko, izena emanda egon behar duzu. Sartu komunitatera!