'Gorantz goaz, GO, GO!' lemapean, Euskal Eskola Publikoaren jaia Balmasedan, bagilaren 1ean
2014-05-29 11:27 Euskerea berbagai
Enkarterrira doa aurten Euskal Eskola Publikoaren jaia, Balmasedara. Mendia ikastetxe publikoko ikasle, irakasle eta gurasoek egun oso egitarau ederra atondu dabe, kontzertuak, tailerrak, pailazoak, putxera dastaketea eta abar.
Lansarean, enpresa eta profesional euskaldunek alkar ezagutzeko tresnea erabilgarri
2014-05-28 13:03 Euskerea berbagai
Bai Euskarari Ziurtagiriaren Alkarteak arlo soziekonomikoaren euskalduntzean eragitea dau helburu eta Enpresareanen bitartez pausu esanguratsuak egin ditu. Lansarean.org helburu horretan bidea egiteko tresna barria da. Lansarean.org helbidean, enpresek beren lan-eskaintzak jarri ahal izango ditue; lan bila dabilzan profesionalek, curriculumak igon eta lan-eskaintzetan izena emon ahal izango dabe.
'Poziktibity' kanpainea, euskeraz berba egiteko konbita positiboa
2014-05-26 15:28 Euskerea berbagai
Kanpaina bat baino gehiago da Poziktibity, jarrera bat, tonu bat da, ekimenaren arduradunen eretxiz. Euskerearen erabilerea bultzatzea dau oinarri, eta horretan ikusiko doguz bai kalean bai sarean bai komunikabideetan hainbat persona ezagun, esaterako, Imanol Agirretxe eta Aritz Aduriz futbol-jokalariak.
Euskal Herriko mintzalagunen jaia, maiatzaren 31n, Izarran
2014-05-26 14:45 Euskerea berbagai
Izarra Urkabustaiz herrian dago, Arabako Gorbeialdean. Biztanle gitxi diran arren, astero 30 lagun batzen dira mintzalagun taldeetan, eta herriko bestelako egitasmoetan be saretzen dira. Horregaitik, Mintza Egunaren antolaketan bertako Lan eta Jolas alkartea, Gazte Asanbladea eta bestelako eragileak (mendi taldea, jantza taldea, bertso eskolea eta abar) dabilz, mintzalagunakaz batera.
Paul Bilbaok hizkuntza gitxiagotuak berreskuratzeko inbersinoak berbagai izan ditu Galesen
2014-05-23 15:15 Euskerea berbagai
Mudiadau Dathlu'r Gymraeg erakundeak galesa ardatz dauen mintegia antolatu dau egunotan Merthyr Tudful herrian, Galeseran inbertituz: Aurrekontu justuago baten alde lanean izenburupean. Kontseiluko buru Paul Bilbao bertan izan da, Euskal Herriko erakundeek hizkuntza politiketan egin beharko leukiezan inbersinoei buruzko eretxia emoteko.
Atzerriko unibersidade eta goi mailako zentroetan euskerea erakusteko prestakuntza ikastaro barria eskainiko dau EHUk
2014-05-23 12:29 Euskerea berbagai
EHUko Graduondoko Ikasketen eta Nazinoarteko Harremanen arloko Errektoreordetzeak, Etxepare Euskal Institutuagaz lankidetzan, kanpoko unibersidadeetan eta goi mailako zentroetan irakurleei bideratutako prestakuntza ikastaroa emongo dau udagoienean. Euskereari eta euskal kultureari ikusgarritasuna eta ospea emoten deutsien ekimenak sustatzearen garrantzia nabarmendu eben aurkezpenean.
Euskararen Erakunde Publikoak eta Euskaltzaindiak 2016. urtera arteko hitzarmen-markoa sinatu dabe Baionan
2014-05-21 12:02 Euskerea berbagai
Frantxua Maitia EEPko presidenteak eta Andres Urrutia euskaltzainburuak hurrengo urte birako hitzarmena eta 2014rako betebeharrak jasoten dituan gehigarria izenpetu dabe Baionan, Euskaltzaindiaren egoitzan. Erakunde bien arteko lankidetzea garatu eta egituratzen dau akordioak.
Deustuko Unibersidadeak Philip Kotler eta Gary Armstrong adituen 'Principles of Marketing' lana euskeratu dau
2014-05-20 11:22 Euskerea berbagai
Marketinaren alorrean erreferentziazko lana da, dagoeneko 28 hizkuntzatara itzuli dana. Marketinaren alorrean, euskeraz dagoan lan bakanetakoa da, Deustuko Unibersidadeak jakinarazo dauenez.
'Ikasle euskaldun eleaniztunak sortzen' proposamena da ikasleak euskalduntzeko biderik egokiena
2014-05-16 15:18 Euskerea berbagai
Kontseiluaren barruan batzen diran hezkuntza alorreko eragileek, Ikasle euskaldun eleaniztunak sortzen proposamenagaz lanean dabilz. 2008an osotu eben proposamenaren inplementazinoagaz jarraitzeko helburuagaz, Gaur egungo irakastereduak aztergai dokumentala (laburpena) egin dabe proposamena ezagutzera emoteko asmoz.
Euskerearen dibersidadea jagon dabenak omenduko ditue Gernika-Lumon, Ikastolen Ibilaldian
2014-05-15 14:36 Euskerea berbagai
Seber Altube ikastoleak antolatuko dau aurtengo Ibilaldia, Euskararen bihozfera lelopean, bagilaren 1ean. Gaur, zirkuitua eta bertan egongo diran jarduerak aurkeztu ditue. Edade guztientzako ekintzak eta lau gune egongo dira, Gernika-Lumo eta Foruko udalerrietatik eratutako 6,5 zirkuituan. Aurtengo omenduak, euskerearen dibersidadea, hau da, euskerearen euskalkiak jagon eta zabaldu dituenak izango dira.
Zenbat Garak 'Gazteola' ekimena sortu dau, ume eta gazteen artean aisian eta hezkuntzan euskerearen erabilerea sustatzeko
2014-05-14 11:36 Euskerea berbagai
Zenbat Gara alkarteak Gazteola aurkeztu dau, 6 eta 19 urte bitarteko ume eta gazteen aisialdian eta hezkuntzan euskerearen erabilerea sustatzeko bagiletik irailera antolatutako ekimen barria. Urte osorako egitasmoa da, baina uda honetarako dagoeneko hainbat campus, udaleku eta jarduera tailerrak antolatu ditu, ume eta gazteei zuzenduta.
Gipuzkoako Aldundiak bere zerbitzuen hizkuntz kalidadea neurtzeko ebaluazino soziala jarri dau martxan
2014-05-13 15:39 Euskerea berbagai
Gipuzkoako Foru Aldundiaren hizkuntz kudeaketearen ebaluazino soziala antolatzeko, maiatzean zehar inkestak egiten dabilz erabiltzaileei Aldundiaren egoitzen atarian. Gainera, ahalik eta erabiltzaile gehienakana heltzeko, internet bidez be emon daiteke eretxia hemen.
UZEI Prozedura Zibilaren Legea euskeratzen eta eguneratzen hasi da
2014-05-13 12:43 Euskerea berbagai
UZEIko iturriek jakinarazo dabenez, Prozedura Zibilaren Legearen (PZL) itzulpena eguneratzeko lanei ekin jake. Lege horren testu osoaren azken itzulpena 2004an argitaratu zan, eta, ordutik, jatorrizko testuak aldaketa ugari izan ditu. Hori dala eta, euskerazko bersinoa eguneratu beharra ikusi da, eta lan batzuk dagoeneko egin dira.
Koldo Zuazok 'Euskalkiak' liburuaren argitalpen gaurkotua kaleratu dau
2014-05-12 14:35 Euskerea berbagai
2003an idatzi eban lehenengoz Koldo Zuazok euskalkiei buruzko ikuspegi oso eta barria ekarren Euskalkiak liburua, eta orain lan horren edizino gaurkotu eta gehitu bat argitaratu dau Elkar etxeagaz.
Lehen aldiz Udalerri Euskaldunen Eguna ospatuko da Tolosan, bagilaren 14an
2014-05-09 14:39 Euskerea berbagai
Mankomunidadera batutako herrien eguna izan da orain artean, UEMA Eguna. Baina badira herri euskaldun gehiago euskeraz bizi diranak, nahiz eta Ueman egon ez. Danak batzeko, alkarlanerako eremu zabalagoa izateko, aldatu egin dabe egun horren izaerea eta lehenengo aldiz Udalerri Euskaldunen Eguna ospatuko da Tolosan, bagilaren 14an.
Domekan egingo da 31. Herri Urrats jaia, Mintza! lelopean
2014-05-08 12:53 Euskerea berbagai
Herri Urrats Ipar Euskal Herriko ikastolen jaiak milaka lagun batuko ditu aurten be Senpereko lakuaren inguruan. Egun horretan, maiatzaren 11n, batzen dan dirua lizeo barria eregiteko erabiliko dau Seaskak. Urtero lez, adin guztietarako egitaraua atondu dabe, musikea, umeentzako jokoak, jantzariak, bertsolariak eta abar.
Behatokiak dino herritarrek euskerea erabilteko daben eskubidea igaz ez zala bermatu eguneroko bizitzan
2014-05-08 12:50 Euskerea berbagai
Hizkuntza Eskubideen Behatokiak Hizkuntza Eskubideen Egoera Euskal Herrian 2013 txostena aurkeztu dau bart Gasteizen, eta, ondorio nagusietako bat izan da herritarrek euskerea erabilzeko daben eskubidea igaz ez zala bermatu eguneroko bizitzan.
Chicagoko Koldo Mitxelena eta Frankfurteko Eduardo Chillida katedren programa akademikoak martxan dagoz
2014-05-07 11:12 Euskerea berbagai
Miren Azkarate euskerearen suspertzearen azterketea helburu dauen ikerketarako ikastaroa zuzentzen dago Chicagon, eta Jonathan Wood adituak Chillidaren lana eta eskultura garaikidearen lekuak eta espazioak izango ditu aztergai Frankfurten bi mintegi desbardinetan.
Iruñeko ume eskoletan euskerazko plaza barik geratuko dira 306 ume datorren ikasturtean
2014-04-29 12:31 Euskerea berbagai
Iruñeko Euskalgintzeak errealidade hau mahai gainean jarri deutso Udal gobernuari: izen abizenakaz, 466 umeen eskariak banan banan aurkeztu doguz Udal erregistroan. Era berean, dagoeneko arloko arduraduna dan Fermin Alonso zinegotziagaz bilerea eskatu dogu eta Udalean gaiari buruzko lan-saioa egiteko eskaria egin dogu. Gure helburua argia da: 2015-2016 ikasturtean euskerazko eskaintzea Iruñeko auzo guztietan.
'Euskoiberismoa XXI. mendean', Euskerearen Jatorriaren 9. Biltzarra Gernika-Lumon
2014-04-28 18:19 Euskerea berbagai
Euskereak iberiereagaz izan eban loturea ulertzea eta ondo kokatzea ezinbestekoa da euskerearen jatorrian aurrera egiteko. Euskoiberismoa egunez egun indarra hartzen doa: iberiar eta euskal zenbakien arteko lotura ukaezina, toponimia, genitiboa (-en), ergatiboa (-ka) eta partitiboa (-ik-e-) partekatzea, etab. Horreek guztiek, barriro jarri dabe eztabaidan aspaldiko gai hau.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...