Euskaltzaindiko zuzendaritzeak eta Gramatika batzordeak akordioa lortu dabe
2014-03-05 10:16 Euskerea berbagai
Zezeilaren 28an, Euskaltzaindiak Osoko bilkurea egin eban Donostian. Baionan edegitako gogoeta-aldiak orain arte emon dituenak berretsi ditue. Euskaltzaindiko zuzendaritzeak eta Gramatika batzordeak akordioa lortu dabe lan batzuk egiteko, eta holan, besteak beste, batzordeak Euskal Gramatikaren Lehen Urratsak lanaren eguneratzea eta moldaketea egingo dau, Donostian batutako eta ordezkatutako euskaltzain oso guztien adostasunez halan erabagita.
'Egarri dagoenari... ur lohirik ez!' lemapean dator aurten Esaera Zaharren Txapelketea
2014-03-04 12:50 Euskerea berbagai
Martiaren 29an helduko da Sopelako eta eskualdeko euskaltzaleon jai handia, Esaera Zaharren Txapelketea. Sopelako AEK-k antolatuta, aurtengoa XXI. edizinoa izango da, eta hau da hautatu daben leloa: Egarri dagoenari... ur lohirik ez!. Izena emoteko azken eguna martiaren 24a izango da.
Portugaleteko Udalak Euskerea Sustatzeko Ekintza Plana (2014-2017) onartu barri dau
2014-03-03 13:31 Euskerea berbagai
Plan barriak hainbat atal ditu, plan zaharrean jasota egozan familia bidezko transmisinoa, irakaskuntzea, alfabetatzea eta euskalduntzea, aisia, kirola, merkataritzea eta kulturaz gan, beste hainbat arlo, barriz, lehenengo aldiz jaso ditue euskera planean, berbarako liburugintzea, publizidadea eta informazinoaren eta komunikazinoaren teknologia barriak.
Euskadiko Errugbi Federazinoak errugbiaren araudia euskeratuko dau
2014-02-27 17:15 Euskerea berbagai
Euskadiko Errugbi Federazinoak kirol horren araudia euskeratuko dau lehenengo aldiz. Ekimena Gipuzkoako Federazinoak abiarazo eben eta Euskal Kirol Federazinoen Batasunaren dirulaguntzinoari esker gauzatu ahal izango da.
'Badu, Bada. Euskara mundu eleanitzean' erakusketea Bilboko Alondigara ailegau da
2014-02-24 14:49 Euskerea berbagai
Maiatzaren 4ra arte egongo da ikusgai Alondigan Badu, Bada. Euskara mundu eleanitzean erakusketea. Donostiako San Telmo museoan abiatu zan proiektua, Etxepare Euskal Institutuaren babesagaz.
Atzerriko ikasleak euskerea ikasten dabilz Zornotzako Barnetegian
2014-02-21 13:42 Euskerea berbagai
Txile eta Argentinatik heldutako Pablo Andres Valdebenito, Estefania Garizoain eta Juan Manuel Yacominik osotu eben urtarrileko taldea, eta zezeileko egonaldian Isidora Josefa Ramirez eta Patricia Stella dagoz Zornotzan.
Europak hizkuntza gitxituak babesteko daukan erantzunkizuna azpimarratu dabe Bilbon
2014-02-21 11:05 Euskerea berbagai
Hizlariek gaur nabarmendu daben giltzarrietako bat izan da, orain arte, Europak arreta eskasa eskaini deutsela gitxiengoen eta estadu bako nazinoen hizkuntzei. François Alfonsik adierazo dauenez, Europaren ezaugarri nagusietako bat da aniztasuna, europar ondarea oso zabala da; horregaitik, Europako erakundeei erantzunkizuna eskatu behar jake aniztasun hori gorde eta babesteko.
Martxan dira Harrapazank eta Sortuzank ekimenak, Bilbon
2014-02-18 10:09 Euskerea berbagai
Harrapazank programearen bederatzigarren edizinoa ipini barri dau abian Bilboko Udaleko Euskera, Gazteria eta Kirol Sailak. Parte-hartzaileen kopurua inoizko handiena da: Harrapazank eszena egitasmoan 95 taldek emon dabe izena, danetara 345 lagunek, eta Sortuzank tailerretan 200 gazte dagoz.
'Euskeraz, bestela ez gara' jardunaldiak aurkeztu ditue Lekeition
2014-02-17 16:31 Euskerea berbagai
Datorren zapatuan, hilaren 22a egingo diran Euskeraz, bestela ez gara jardunaldiak, Lekeition euskerearen erabilereak izan dauen beherakadaz arduratuta antolatutako ekimenetako bat da. Hitzordua datorren zapatu goizean izango da, hilaren 22an.
Miren Ibarluzeak 'Literaturea eta hizkuntza minorizatuak' jardunaldietan parte hartuko dau, Sorbonan
2014-02-17 11:52 Euskerea berbagai
Parisko Sorbonne Nouvelle 3 Unibersidadeak Literaturea eta hizkuntza minorizatuak jardunaldiak antolatu ditu asteon, zezeilaren 19an eta 20an. Eremu urriko hizkuntzen literaturen egungo egoerea izango dabe berbagai, eta Miren Ibarluzea irakasleak emongo dau euskerearen barri.
Osakidetza euskalduntzeko 'neurri ausartak' eskatu ditu Kontseiluak
2014-02-11 17:08 Euskerea berbagai
Donostian batu dira gaur Kontseiluaren barruan dagozan osasungintzearen euskalduntzea lantzeko lantaldeak, eta Osakidetza euskalduntzeko neurri ausartak eta zehatzak hartzea eskatu dabe. Igaz osotu eben lantaldea Osasungintza Euskalduntzeko Erakundeak, Euskal Herrian Euskarazek, Euskaltzaleen Topaguneak, UEMAk eta Behatokiak.
Mintza! lemapean, XXXI. Herri Urrats Senperen, maiatzaren 11n
2014-02-10 13:56 Euskerea berbagai
Herri Urratsek 31 urte beteko ditu, eta inoiz baino gazte eta indartsuago dator Seaska ikastolen federazinoari bultzada barri bat emoteko asmoz. 31 urte eta 31 ikastola. Eta euskaldunentzat magikoa dan zenbaki honen atxakiagaz, aurtengo Herri Urratsek gure karta-joko ezagunenaren inguruan jolas bat proposatzen dau. Hortik 2014ko leloa: Mintza!
Andoni Sagarna izango da Euskaltzaindiaren Hiztegia egitasmoaren zuzendari barria
2014-02-10 09:57 Euskerea berbagai
Andoni Sagarna euskaltzain osoa eta Gipuzkoako ordezkaria izango da Euskaltzaindiaren Hiztegia. Adierak eta Adibideak egitasmoaren zuzendaria, 2014. urtean. Miriam Urkiak, Euskaltzaindiaren Hiztegi Batuko Lantaldearen buruak, zeregin horretan lagunduko deutso, eta Jose Antonio Aduriz euskaltzain urgazleak aholkulari lanetan jardungo dau.
Nafarroan seme-alabak D ereduan matrikulau deiezan animau ditu gurasoak Euskaltzaindiak
2014-02-03 14:31 Euskerea berbagai
Euskaltzaindiak beren seme-alabak D ereduan matrikulau deiezan animau ditu Nafarroako gurasoak, foru erkidegoko irakaskuntzan datorren 2014-2015 ikasturtean izena emoteko epea iragarri dala aprobetxauta.
Ipar Euskal Herriko herriko etxeetako hizkuntza politiken neurketea amaitu barri dau Kontseiluak
2014-01-31 11:07 Euskerea berbagai
Hemeretzi herriko etxetako hizkuntza politiken neurketea egin barri dau Euskarearen Gizarte Erakundeen Kontseiluak, hauxe dau hirugarrena. Udaletxeotan hizkuntza politika ausartagoak egin daitekezela nabarmendu dabe txostenaren ondorioetan.
Udalerriko izen ofiziala ‘Sopela’ izango da aurrerantzean, Bizkaiko Batzar Nagusien adostasunaren ostean
2014-01-29 16:29 Euskerea berbagai
Sopelako Udal Gobernuarentzat, historikoa da gaurko eguna. Aurrerantzean, sopeloztarrek herriko kaleetan, etxeetan, baserrietan, eskolan eta orain, Udalak eta ganerako erakundeek be Sopela erabiliko dabe.
Sopelana-Sopela auzian, Bizkaiko Batzar Nagusiek gaur emongo dabe udalerriko izen ofiziala aldatzeko azken pausua
2014-01-29 09:51 Euskerea berbagai
Bizkaiko Batzar Nagusiek gaur, urtarrilak 29, udalerriko izen ofiziala aldatzeko azken pausua emongo dabe, Sopelana izena Sopela bihurtuz, botazinoan aurrera egin ezkero.
Euskerearen erabilerea normalizetako V. Plan Nagusia aurkeztu dau Eusko Jaurlaritzeak
2014-01-27 14:45 Euskerea berbagai
Eusko Jaurlaritzearen helburua da euskal gizartean elebitasun iraunkorra eregitea. Horregaitik da Eusko Jaurlaritzearen 2013-2017 bitarteko Euskerearen Erabilerarako Plan Nagusi honen helburu nagusia honako hauxe: herritar guztiek daben hizkuntza ofiziala aukeratzeko eskubidea egiazki betetea, eta euskerea zerbitzu hizkuntza eta lan hizkuntza lez erabiltea.
'Mugan bizi, bizi' lemapean, martxan dago Araba Euskaraz 2014 jaia
2014-01-27 14:17 Euskerea berbagai
Bagilaren 15ean, Lapuebla de Labarcan izango da aurtengo Araba Euskaraz ikastola arabarren jai handia. Samaniegoko kultur etxean egin eben aurkezpen ofiziala, zapatuan, eta eguraldia lagun izan ez arren jente nahikotxu batu zan.
Bizkaiko 33 udalerrik D ereduaren aldeko informazino kanpainea abiarazo dabe
2014-01-23 17:26 Euskerea berbagai
Orain bost urte jarri zan martxan lehen aldiz D bitamina, Aberastu bere heziketa! egitasmoa, Bizkaiko hainbat udalerritan, eta aurten be, lurraldeko 18 udalerri eta bi mankomunidade alkarlanean ibili dira.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...