Agendea

'Pilar Belzunce. Retrato íntimo'.

2025/06/05 - 2026/01/31

Pilar Belzunceren jaiotzearen mendeurrena nabarmentzen da Chillida Lekun. Eduardo Chillidaren emaztea eta bere bizitzan eta ibilbide artistikoan giltzarri izan zana. Zabalaga baserriko 5. aretoan kokatuta, Eduardo Chillidak berari eta bere zortzi seme-alabei egindako erretratuen bidez, haren garaiari aurrea hartzeko kapaz
izan zan erabagitasun handiko emakumearen nortasunaren zati txikiak ezagutarazoten ditu erakusketeak.

'Artelekun zehar. 1987-2002'.

2025/07/04 - 2026/01/11

Artium Museoak Euskal Herriko jardun artistikoen eta pedagogiaren arteko hartu-emonei eskainitako erakusketen hirugarren eta azken kapitulua. Arteleku prestakuntza eta produkzino-zentroaren lehenengo hamabost urteetan oinarritzen da, eta jarraipena emoten deutso Pentsatzeko leku bat (2022) izenekoak –1957 eta 1979 bitarteko hezkuntza-ekimen esperimentalak landu zituana– eta edonor, denok inor ez (2024) deitutakoak –1978 eta 1991 artean prestakuntza artistikoa instituzionalizetako izandako prozesuei buruzkoak– hasitako ikerkuntzeari.

Ordutegia: martitzenetik barikura, 11:00etatik 14:00etara eta 17:00etatik 20:00etara, eta zapatu, domeka eta jaiegunetan 11:00etatik 20:00etara.

Erretratua: Isabel Azkarate.

Musikagileak. Musika Garaikidearen XVI. Zirkuitua

2025/09/18 - 2026/03/21

'Georg Baselitz. Pinturak 2014-2025'.

2025/10/08 - 2026/03/01

Azken hamarkadan egindako formatu handiko berrogeita hamar inguru margolan ikusgai. Norman Rosenthal historialari britainiarrak hautatutako berrogeita hamar bat pintura –azken hamarkadan sortuak– batzen ditu erakusketeak. Moltso osoa artistearen estudiotik eta hainbat bilduma pribatutatik dator.

'Limina: Cosmopolitan Chicken Project 30'. KOEN VANMECHELEN.

2025/10/16 - 2026/01/31

Naturea, artea, zientzia eta arkitekturea buztartzen dituan erakusketea. Mugak/Euskadiko Nazinoarteko Arkitektura Biurtekoaren barruan, artisteak Espainian egin dauen lehen erakusketeak indartu egiten dau museoak naturea, artea, zientzia eta arkitekturea kurutzatzen diran leku bizi lez dauen bokazinoa.

Ikerlari Gazteen Sariketea

2025/10/28 - 2026/06/14

'Egikaritza sortzaile bat'. MARISA GONZALEZ.

2025/10/29 - 2026/01/18

Ordutegia: martitzenetik domekara: 11:00etatik 20:00etara. Sartzea doban.

Eguaztena, urriak 29, 18:00etan:

Barriketan: Marisa González artistea eta Violeta Janeiro komisarioagaz, 19:00reta, Erakusketearen edegiera publikoa, lekuak bete arte.

'Trucada e imperfecta'. RUT OLABARRI.

2025/10/29 - 2026/02/15

Rut Olabarri (Bilbao, 1962) artistearen Trucada e imperfecta erakusketea, pinturea, ehungintzea, eskulturea, ikus-entzunezko lanak eta instalazinoak biltzen dituana.

Informazino gehiago hemen.

'Eraldaketa baten kronika 1900/1957'

2025/10/31 - 2026/04/06

'Txillarreko Sukaldaria'

2025/11/12 - 2026/02/19

Asier Ibaibarriagak eta Edurne San Martinek idatzitako liburuaren aurkezpena.

Ganerako aurkezpenetako hitzorduak erantsitako argazkian ikusi.

'Yo soy la Inteligencia Artificial'.

2025/11/21 - 2026/04/25

Sebastiano Vitale komisario dauen erakusketea Bilbora helduko da Salt Lake Cityn (AEB) eta Londresen (Britainia Handia) ikusgai egon ondoren. Haren bidez, Bilboko museoak etapa barri bati ekingo deutso eta zientzia, teknologia eta artea bikain buztartzeari esker, murgitze-erakusketak eskainiko dira barritzaileak, sortzaileak eta dibulgatzaileak, gaurkotasun handiko arazo eta gaiei buruz gogoeta eginarazoko dabenak, espazioko arduradunen esanetan.

Bisitariak

• Beherapen bereziak familientzat (3 kide baino gehiago) eta taldeentzat (10 lagun baino gehiago).
• Sarrera doban 5 urteko edo hortik beherako umeentzat eta dibersidade funtzionala daben personakaz doazenentzat.
• Irisgarria mugikortasun urriko personentzat.
• Hitzarmen bereziak ikastegi eta enpresakaz. Eskatu informazinoa hemen: reservas@nextmuseum.net.

Ordutegia

• Astelehen eta martitzenetan: zarratuta.
• Eguaztenetik zapatura: 11:00etatik 13:30era eta 15:30etik 19:30era. Azken erakustaldia izan eta ordubetera zarratuko da (20:30ean).
• Domekatan: 11:00etatik 18:00etara. Azken erakustaldia izan eta ordubetera zarratuko da (19:00retan).

Informazino gehiago eta sarrerak hemen.

'Munduko Jaiotzak'.

2025/11/29 - 2026/01/04

Bilboko Gabonetako Azokea

2025/12/05 - 2026/01/05

Bilboko Alkateak, Juan Mari Aburtok, gaur, barikua, abenduak 5, inaugurauko dau Gabonetako Azokea, aurten beste toki batean egongo dana: Casilda Iturrizar parkeko pergolaren eremuan, argi eta soinudun tunelaren inguruan.

Ibilbidean zehar, Alkateagaz batera udalbatza osotzen daben kideak be izango dira, baita azokako etxolez disfrutetako bertara hurreratu gura daben herritarrak be.

Holan, alkateak, udalbatzako ordezkariekaz eta hurreratu gura daben herritarrekiaz batera, Bilboko Gabonetako Merkatua osotzen daben 35 etxolak, foodtrucken gunea eta Casilda Andrearen Baso Magikoan hasiko diran jarduerak bisitauko ditu 19:00retan.

'Argizaiola Trofeoa 1980-2025'.

2025/12/05 - 2026/01/09

Lehiaketen Lehiaketako obra irabazleak. Euskal Herriko Argazkilari Elkarteen Federazinoak (EHATE), lurralde osoko 25 argazki-alkarte batzen dituanak, Argizaiola Trofeoa 1980-2025 erakusketa proiektua aurkeztu dau, euskal argazkilarien ibilbidea, sormena eta talentua omentzen dituan atzera begirako erakusketea hain zuzen be.

Argizaiola Trofeoa Euskadin dagoan argazki-lehiaketen lehiaketa bakarra da eta segurutik bakarra Europan. Bertan, alkarte federatuek atondutako lehiaketetan saritutako lanek parte hartzen dabe eta, ondorioz, Argizaiola Euskal Herriko argazki-sari gorena da.

‘Harien isla’. IRATI BAZETA.

2025/12/05 - 2026/01/07

Euskera jentea gaitzat hartuta esku-hartze artistiko bat egitea zan 2024ko Durangoko Azokako Sormen Bekearen deialdiko zeregina. Irati Bazeta ilustratzaile abadiñarrak irabazi eban, Harien isla izeneko proiektuagaz. Margogintzan oinarrituta dago bere lana; dozena bat pieza sortu eta gaur jarri dira ikusgai Durangoko Museoan (Atartea Gunea), 60. Durangoko Azokearen barruan. Inaugurazino ekitaldian Garazi Arrizabalaga museoko zuzendaria, Gotzon Gomez Gerediaga alkarteko presidentea eta Mireia Elkoroiribe
Durangoko alkatea egon ziran, Bazetagaz batera.

Bazetak azaldu dauenez, margogintzea umetatik landu izan dodana da, eta bekearen deialdiaz jakitean aurkeztea erabagi neban. Gaia dala-eta, euskereari buruz azken boladan hainbat hausnarketa konpartidu dituala nabarmendu dau ilustratzaileak eta ondorioz hainbat galdera sortu jakozala: Nor da euskera jentea? Zer dakar euskera jenea izateak? Ba al dogu euskera jentea garenaren kontzientziarik? Euskeraz bizi edo euskerara heltzeko danok baliabide berak ditugu? Zein egoeratan sentidu dogu hizkuntza estresa? Hainbat
galderatan oinarri hartuta landutako proiektua da. 

ZKZ Topaketea 2025

2025/12/06 - 2025/12/30

Abenduak 6-8: Bilboko Zirkozaurre Espazioan (tailerrak).

Zirku galak

• Abenduak 13: Kultur Leioan.
• Abenduak 14: Meatzari Aretoan (Muskiz).
• Abenduak 29: Santurtziko Kultur Aretoan.
• Abenduak 30: Ermua Antzokian.

Informazino gehiago hemen.

'Primeros años 1990-1992. New York'. Txomin Badiola, Peio Irazu eta Darío Urzay.

2025/12/11 - 2026/01/31

Erretratua: Casa encantada, Txomin Badiola.

XLIII. Gabonart

2025/12/12 - 2026/01/05

'Lovesong'.

2025/12/19 - 2026/01/11

ESTREINALDIA.

• Egilea: Abi Morgan.
• Egokitzapena eta zuzendaritzea: Sandra Maturana.
• Antzezleak: Kepa Alesso, Itziar Lazkano, Felipe Loza eta Itxaso Sanchez.
• Jantziak eta eszenografiaren diseinua: Betitxe Saitua.
• Eszenografiaren egilea: ATX TEATRO eta Betitxe Saitua.
• Argiztapen diseinua: Fernando Alcauzar eta Quique Gago.
• Zuzendariaren laguntzailea: Sandra Ortueta.
• Ikus-entzunezkoen diseinua: Iñigo Cobo.
• Argazkiak: Hodei Torres.

Arriaga Antzokiaren kolaborazinoagaz.

Sinopsia 

Zelan pasau da horren azkar denporea?

Maitasunaz eta denporearen joanaz berba egiten dauen istorio hunkigarria. Maggie eta Billyren istorio kontetan dau, gaztaroko pasinotik hasita, berrogei urte alkarregaz pasau ondoreneko isiltasuneraino. Maggie eta Billy aste erabagigarri baterako prestetan dabizen bitartean, joanaren eta orainaren arteko etenbako buztarketea emoten da.

Abi Morganen testua, Sandra Maturanak egokitua eta zuzendua, Kepa Alesso, Felipe Loza, Itziar Lazkano eta Itxaso Sanchez protagonista dituala.

Erosi sarrerak hemen.