Txomin Badiola eta Elena Aitzkoa artistek, eta Entre Cuerpos-Mugatxoan alkarteak jasoko ditue 2015eko Gure Artea Sariak

| Ikusi handiago | Argazki originala

Joxean Muñoz Kultura, Gazteria eta Kirol sailburuordeak eta Xabier Ganzarain Gure Artea sarien 2015eko edizinoko epaimahaikideak lehiaketaren aurtengo irabazleen izenak ezagutarazo ditue gaur goizean, Donostian. Txomin Badiolak ibilbide artistikoaren autormenari jagokon modalidadean jasoko dau 2015eko Gure Artea saria; Elena Aitzkoak, sorkuntza-lana autortzeko modalidadan; eta hirugarrenik, ikusizko arteen arloan egindako lanagaitik, kultur alkarte batek jasoko dau aurten saria, Blanca Calvo eta Ion Munduatek zuzentzen daben Entre Cuerpos-Mugatxoanek, hain zuzen be.

Gure Artea sarien bidez 65.000 euro banatzen dira urtero irabazleen artean: 25.000 euro lehen modalidade bakotxean, eta 15.000 euro, hirugarrenean. Sari honeen bidez, egin daben lana autortu eta arte garaikidean eta euskal kulturan egindako ekarpena onartu gura jakie irabazleei. Sortzaileak saritzen dira -bai euren ibilbide profesionalagaitik, bai azken urte honeetan egin daben sormen jardueragaitik- baina baita beste eragile edo erakunde batzuk bere, arte plastikoen edo ikusizko arteen arloan egin daben jardueragaitik.

2015eko Gure Artea sarien epaimahaiburu Maria Mur Dean izan da, Consonni arte garaikideko produkzinoetxearen zuzendaria. Honegaz batera, epaimahaiko eledun izan dira: Inazio Eskudero eta Txarro Arrazola artistak, Leire Vergara komisario eta Bulegoak z/b arte bulegoko kidea, eta Xabier Ganzarain, Kalostra arte esperimentaleko eskolako koordinatzailea.

Sari-banaketa ekitaldia garagarrilean egingo da, Bilbon.