Musikea

Bilbao BBK Live jaialdiak eguneko sarrerak salgai ipini ditu

Bonuen eskeintza berezia (90 euro gehi gastuak) amaitu barri, Bilbao BBK Live 2011 jaialdiak eguneko sarrerak salgai ipini barri ditu.

Kaotiko taldeak bigarren bideoklipa grabau barri dau

Boskote arabarrak Reacciona!! diskoko Al final del túnel abestiaren bideoklipa grabau barri dau Gasteizen

'Azulejo frio' disko barria atara dau Txarrenak

Taldea zuzenean ikusteko lehenengo aukera martiaren 4an izango da, Atarrabiako Totem aretoan

Euskadiko Orkestra Sinfonikoak Jesus Egigurenen 'Kindly Symphony' estreinauko dau

Partitura hau, EOSek euskal konpositoreen produkzinoaren sorkuntzea eta zabalkuntzea bultzatzeko politikearen barruan eskatutako obren katalogoari batzen jako. Bonu-programa barri honi jagokozan kontzertuak zezeilaren 5ean Gasteizko Principal Antzokian, 7an eta 10ean Donostiako Kursaal Auditoriumean, 8an Iruñeko Baluarten eta 9an Bilboko Euskaldunan izango dira.

U2 taldeak maiatzean argitaratuko dau disko barria

Taldeko managerrak zehaztu dau lan barriaren produktorea Danger Mouse dala, eta seguruenik ez dala Songs of Ascent deituko, zurrumurru askotan izenburu hori agertu arren.

Bilboko Udal Musika Eskoleak interprete gazteen zikloa aurkeztuko dau Musikeneren kolaborazinoagaz

Dobako sarrerea izango daben ekitaldi guztiak, BilbaoMusikako (Sorkunde, 8) Auditorioan izango dira 19:30ean. Lehenengo hitzordua gaur izango da, urtarrilak 28, Double Sided! laukoteagaz eta eurek sortutako jazz doinuak eskainiko ditue.

Rat-zinger bilbotarrak amorruz josita datoz

Anarko, Sucio Sistema, Nok, Zer Bizio! eta beste talde batzuetan ibilitako lagunak dagoz egun Rat-zinger taldean eta gaur Bilbon aurkeztu dabe amorruz betetako 14 kantuz osotutako lehenengo diskoa, igazko zezeilean eta martian Bilboko Koba estudioetan grabautakoa. Oinarrian disko rockeroa, kopla bakoa izan arren, boltaje handiko punk-rock-and-rolla egiten dabe.

Bilboko Udal Musika Bandeak Javier Eguillor izango dau lagun 2011ko denporaldiari hasierea emoteko

Lehenengo hitzorduan, bilbotarrek Javier Eguillor Valentziako Orkestra Sinfonikoko Tinbal bakarlariaren kolaborazinoaz gozetako aukerea izango dabe. Kontzertua Euskalduna Jauregian izango da urtarrilaren 23an, 12:00etan. Sarrerak 2 euroan dagoz eskuragarri Jauregiko txarteldegian kontzertu egunera arte; 944 310 310 telefonoan, BBK Multizerbitzu Kutxazainetan edo baita, BBK webgunean be.

Euskadiko Soinuak-ek 10. urtez parte hartuko dau musika industria eta teknologia azokarik handienean

Euskadiko Soinuak-en parte-hartzeak interes berezia dauka aurten euskal kantari bat Midem azokan zuzenean joteko hautatu dabelako. Petti kantari beratarra izan da hautatua eta hiru kontzertu daukaz honezkero baieztatuta.

I. Euprel Saria Eugenio Gandiagak jaso dau

Zuzeneko musikea sustatzen daben Euskal Herriko hainbat enpresa batzen dituan elkarte honek sorturiko sari honen bidez, Euskal Herriko musika industria garatzen eta bultzatzen eginiko lana jentaurrean autortu eta eskertu nahi dau Euprelek.

Gatibuk bigarren kontzertu bat emongo dau Bermeoko Kafe Antzokian

Kontzertua, zezeilaren 12an, gaueko 22:00etan hasiko da eta sarrerak Bermeoko Kafe Antzokian, Luma liburu-dendan, Gernikako Ospa tabernan eta www.kulturalive.com atarian eskuratu ahal izango dira 10 euroan.

'Neguko Bidaia' Kontzertuen III. Zikloa urtarrilaren 21etik zezeilaren 18ra arteko barikuetan izango da Getxon

Lehenengo kontzertua datorren barikuan, urtarrilaren 21ean, izango da Khantoria antxinako musikako taldearen eskutik. Bere helburua obra barrokoak eskaintzea da eta Ander Barrojalbizek (bibolin barrokoa), Maider Lopezek (biola barrokoa) eta Virginia Gonzalok (klavezin eta organoa) osotzen dabe.

Love of Lesbian taldeko abeslariak parte hartuko dau BBK Aretoaren 'Musikalan' jardunaldietan

Love of Lesbian taldeko abeslariaren saioa, hilaren 20an, 20:00etan hasiko da. Sarrerak BBKren kutxazainetan jaso daitekez 3 euroan BBK-ko txartelak erabil ezkero eta 6 euroan beste erakundeetako txartelakaz.

Bob Marley reggae musikearen mitoaren jaiotzearen urteurrena ospatuko dabe Bilbon eta Iruñean

Mundu osoko hainbat uritan egiten dan proiektu oso baten barruan Marley omentzeko egiten diran ospakizunak antolatzen dira. Uri nabarmenenak Los Angeles, Buenos Aires, Paris, Londres, Kingston edota New Yorken izaten dira. Ganera, 2011. urtean 30 beteten dira Bob Marley hil zanetik, musikeak eta zaleek reggaea mundu osoan ospetsu egin eban artista ahaztu ez arren.

Musika sinfonikoa ikastetxeetara eroango dau SinfoKids proiektuak