Hizkuntzak eta banderak

Ardi Txikia Beti Bildots 2017-08-28 21:11

| Ikusi handiago | Argazki originala

A herrialdeko B herrian izan ginan joan zan asteko C egunean, D eta E lagunakaz. F tabernan G plater konbinatua afalduta, H eta I gaiez aritu eta J kaletik eroan ginduezan K plazan Lren omenez ipini barri daben M eskulturea ikustera.

Ondoko horman, eskulturearen ganeko azalpenak egozan, N, Ñ eta O hizkuntzetan; hizkuntza bakotxaren ikur legez, P, Q eta R banderak. Beste behin bere: hizkuntzea herrialde politiko bategaz lotzen da han bere. Baina, Ñ herrialdeko banderea ipini gura ez, eta beste sasoi historiko bateko S bandera egozan ipinita. Otu jatan, edozelan bere, Ñ hizkuntzea beste hainbat herrialdetan egiten zala (burura jatortaz T, U, V eta W), bai eta O hizkuntzea bere (kasurako X, Y eta Z herrialdeetan).

Akordau jatan badaukala horrek soluzino posible bat, eta, esate baterako, telefono mogikorrek pantaila txikia eukieneko laburtzapen hareek erabilgarri dirala hizkuntzen ikur adierazgarri legez, edo, osterantzean, itzulpengintzan hizkuntza-konbinazioak adierazoteko erabilten dirazan kodeak (EUS, ES, IT, EN…), ez gaitezan behin eta barriro hizkuntzak eta banderak nahasten ibili.