Botatekoak

Aurreko urteetako egutegiak, bidaia-txartelak, teatro-sarrerak, oporretako afixak, hilabeteetan ikutu bere egin ez diran aldizkari eta egunkariak, aurreko urteetako agendak, zerrendak apuntetako koadernoak, goitik behera betetako sudoku-koadernoak, bizimodua aldatu ez deutsuen poltsikoko liburu-bildumea, kassetak, VHS zintak, pintetan ez daben boligrafoak, ez dabilzan erlojuak, daborduko ez daukazuzan aparatuen instrukzino-orriak, kadukautako botikak, txupito baterako be emoten ez daben botila ia-hutsak, lau hilabetetik gora daukan te-kaxea, txinatarrera deitu eta handik ekarritako zotzen kolekzinoa, herriko jaietan erositako kapela eta betaurrekoak, etxean egoteko gordetako kamiseta zantarrak, inoz barriz erabiliko ez dozun jantzia, zulodun kaltzetina, motxilea, zein zapiak (besteak beste).

Zabaldu tiraderak, zabaldu armairuak, zabaldu kutxak. Bil-bil egin eta bota, bota, bota, bota, bota erropen kontenedoreak elikatu, bigarren eskuko almazenak bete. Baietz pisua galdu dozulako sentsazinoa euki!